Хэнтий аймаг. Батширээт сумын Хурх багийн иргэн Насанжаргалын гэрт урд шөнө баавгай халдаж илүү барьсан гэрийг нь сүйтгэсэн байна.
ОХУ-ын Сибирийн ой өнгөрсөн зун олон хоногоор шатаж, олон мянган га газар түймэрт нэрвэгдсэн. Түймрээс дайжиж улмаар идэш тэжээлийн хомсдолд орсон баавгай Хэнтий аймгийн Батширээт, Биндэр зэрэг хойд сумдаар ойр ойрхон үзэгдэх болжээ. Өдийд нутгийн иргэд жимс, мойлонд явдаг ид үе ч хөвчийн хүрэн баавгайнаас айж болгоомжлох болжээ. Хэнтий аймгийн Батширээт суманд анд явсан нэгэн иргэн сураггүй болоод сар гаруй болж байна.
