Өнгөрсөн шөнө буюу есдүгээр сарын 19-20 нд шилжих шөнө олны танил дуучинг цагдаагийн алба хаагчид хар тамхи хэрэглэсэн үед нь баривчилсан талаар бид мэдээлсэн. Тэрээр ОХУ-ын Буриад улсын гавьяат жүжигчин Б.Амархүү байжээ. Түүнийг ШШГЕГ-ын харьяа цагдан хорих 461-р ангид саатуулан шалгаж эхэлсэн байна.
Тэрбээр нэгэн зочид буудлын гадаах зогсоол дээр өөрийн улаан өнгийн бенз автомашиндаа байхад нь баривчилсан бөгөөд автомашинд нь болон гэрт нь нэгжлэг хийгээд цагдан хорих байр луу авч явжээ. Түүний гэр тухайн зочид буудлын дээд давхарт байрладаг байна.
