Оготно дээр хийсэн туршилтаар залуу амьтны цусыг сэлбэх нь хөгшин амьтдын эрүүл мэндийг сайжруулдаг байж болзошгүй нь тогтоогджээ. Жишээ нь оготны танин мэдэхүйн үүрэг, биеийн идэвх нь нэмэгдсэн байна. Харин одоо эмч нар цус бус, тодорхой уургийг ашиглан энэ зарчмыг хүн дээр хэрэглэж болох талаар судалж байна.
Цусны цагаан болон улаан эсийг үүдэл эс бий болгодог. Харин үүдэл эсийг нугасан дахь “эхийн” үүдэл эс ялгаруулдаг байна. Гэвч нас ахих тусам энэхүү “эхийн” эс багасдаг. Энэ нөлөөгөөр эритроцит, лейкоцитуудын тоо багасч, дархлаа суларч, цус багасдаг байна.
Эрдэмтдийн олж тогтоосноор настай хүмүүст цөөхөн байдаг остеопонтин тусгай уураг нь лейкоцитуудын ялгаруулалтыг идэвхжүүлэхэд тусалдаг гэнэ. Тиймээс үүдэл эсийг идэвхжүүлэх зорилгоор остеопонтин агуулсан эм бэлдмэл боловсруулж байна.
Залуу хүний цус настай хүний эрүүл мэндэд эергээр нөлөөлдөг гэдгийг өмнөх судалгаанууд ч баталж байсан юм. АНУ-д тэр ч бүү хэл хэдэн жилийн өмнө өөртөө залуу хүний 1,5 литр хүртэл цус сэлбүүлэхээр захиалга өгдөг старап хүртэл бий болж байлаа. Цусыг орон нутгийн банкнаас авч, хооронд нь хольдог байв. Учир нь нэг хүнд сэлбэх цус бэлдэхийн тулд хэд хэдэн донороос цус авах хэрэгтэй байдаг гэнэ.
Эх сурвалж: lifter.com