Сайншанд, Өргөн, Эрдэнэ сумын нутаг Хар тал хэмээх газарт олгосон MV-02873 тоот ашиглалтын тусгай зөвшөөрөл эзэмшигч “Даблью Эс Жи Эл” ХХК, “Олон ихт баян” ХХК-ийн тусгай зөвшөөрлийг Дорноговь аймгийн шүүхийн шийдвэр дагуу өнгөрсөн долдугаар сарын 26-нд цуцалжээ.
Ингэснээр Хамарын хийд орчмын орон нутгийн тусгай хамгаалалттай бүс нутагт нүүрс олборлох гэж байсан БНХАУ-ын хөрөнгө оруулалттай компанийн үйл ажиллагаа зогссон байна. Тус компани ашиглалтын зөвшөөрөлтэй ч орон нутгийн удирдлагатай уулзаагүй. Уурхайн техник эдийн засгийн үндэслэлийг хуулийг дагуу боловсруулж, холбогдох байгууллагаар батлуулаагүй. Мөн байгаль орчны нарийвчилсан үнэлгээ хийгээгүй, орон нутгийн иргэдээр хэлэлцүүлж, санал аваагүй байжээ.