Улсын начин Д.Цэрэнтогтох сэргээш хэрэглэсэн үү?
Үндэсний их баяр наадамд тавын даваанд үлдсэн 16 бөхөөс сэргээшийн шинжилгээ авахад хоёр бөхөөс илэрсэн тухай Монголын Үндэсний бөхийн холбоо мэдээлсэн. Тэдний нэг нь ес давж Монгол Улсын аварга цол хүртсэн Э.Оюунболд болохыг зарласан. Харин өнөөг хүртэл яагаад хоёр дахь бөхийн нэрийг зарлахгүй байгаа нь хачирхалтай.
Бөхийн хүрээнийхэн энэ талаар мэдэж буй гэх. Зарим нэг албаны эх сурвалжийн мэдээлж буйгаар, сэргээш хэрэглэсэн хоёр дахь бөх Баянхонгор аймгийн харьяат, Улсын начин Д.Цэрэнтогтох байх магадлалтай аж. Тэрбээр Үндэсний баяр наадмаар өсөх идэр начин цол хүртсэн билээ.