АНУ-ын зуучлалтай ОХУ, Украины гурван талт хэлэлцээ эхэллээ

ОХУ, Украины асуудлыг шийдвэрлэх АНУ-ын зуучлалтай гурван талт хэлэлцээ 2023 оны 11 дүгээр сарын 10-нд АНЭУ-ын нийслэл Абу-Даби хотод эхэллээ.

Хэлэлцээний эхний өдөр 4.5 цаг үргэлжилж, хэвлэлийнхэнд хаалттай байсан учраас албан ёсны үр дүн болон хэлэлцсэн асуудлын дэлгэрэнгүй мэдээлэл гараагүй байна.

Гэвч Украины төлөөлөгчдийн багийн ойрын эх сурвалж “Украинская правда” сонинд өгсөн ярилцлагадаа, талууд ойрын хугацаанд олзлогсдыг солилцох тохиролцоонд хүрсэн гэж мэдээлжээ.

Reuters агентлагийн мэдээллээр, ОХУ-ын талаас Европ дахь дайны дараах аюулгүй байдлын зохицуулалтыг хэлэлцээний үндсэн сэдэв болгохоор төлөвлөж байна.

Гурван талт хэлэлцээ 11 дүгээр сарын 11-нд үргэлжилнэ. Энэ нь сүүлийн найман сарын хугацаанд хоёр талын хийсэн анхны хэлэлцээ болж байгаагаараа онцлог аж.

Өмнөх хэлэлцээ 2023 оны хоёрдугаар сарын Женев хотод болсон боловч АНУ, Израил Ираны эсрэг эхлүүлсэн үйл ажиллагааны улмаас түр зогссон юм.

Абу-Даби хотод Европын орнууд, НАТО болон Европын Холбооны төлөөлөгчид ирсэн ч хэлэлцээнд шууд оролцоогүй байна.

ОХУ-ын төлөөлөгчдийн багт Ерөнхийлөгчийн туслах Владимир Мединский, Гадаад хэргийн дэд сайд нар Сергей Рябков, Михаил Галзуин, Зэвсэгт хүчний Ерөнхий штабаас Игорь Костюков, Юрий Жигарловский нар багтжээ.

Украины багийг Ерөнхийлөгчийн захиргааны тэргүүн Кирилл Буданов, түүний орлогч Сергей Кислица, Тагнуулын ерөнхий газрын дэд дарга Вадим Скибицкий, Дээд рад дахь “Ард түмний зарц” намын фракцын тэргүүн Давид Арахамия нар удирдан явуулж байгаа юм.

Эх сурвалж: “Украинская правда”, Reuters, РБК.