БОУАӨЯ 8 аймаг, нийслэлд 27 хүрэн баавгайг буудах зөвшөөрөл олгожээ
Амьтны тухай хуулийн 35.1 дүгээр зүйлд заасны дагуу байгалийн тэнцлийг хангах болон хүн амын эрүүл мэнд, аюулгүй байдлыг хамгаалах зорилгоор Байгаль орчин, уур амьсгалын агентлаг нийт 8 аймаг болон нийслэлд эрсдэл үүссэн тохиолдолд 27 хүрэн баавгайг цагдаагийн хяналт дор буудах зөвшөөрөл олгожээ.
Энэ зөвшөөрөл нь байгалийн тэнцлийг хангах, амьтны тоо толгойг зохицуулах зорилготой бус бөгөөд иргэн эсвэл хуулийн этгээдэд хохирол учирч болзошгүй нөхцөлд авах арга хэмжээ юм.
Гэхдээ асуудал үүсгэсэн баавгай бүрийг буудахгүй бөгөөд бамбарууш болон бамбарууштай эх баавгайг буудахыг зөвшөөрөөгүй байна. Зөвхөн Байгаль орчны газрын зөвшөөрөлтэй ажилтан л хүрэн баавгай агнах эрх авсан юм.
Зөвшөөрөл авсан аймгууд баавгайн тоог дараах байдлаар хуваарилжээ: Дархан-Уул, Сэлэнгэ, Хөвсгөл, Увс, Завхан, Төв аймгийн Байгаль орчны газар тус бүр 3 хүрэн баавгай, Хэнтий аймгийн Байгаль орчны газар 6 хүрэн баавгай, мөн Нийслэлийн Байгаль орчны газар 3 хүрэн баавгайг агнах зөвшөөрөл олгосон байна.