Ерөнхий сайд: Газрын тос боловсруулах үйлдвэрийн бүтээн байгуулалтыг эрчимжүүлнэ

Ерөнхий сайд Н.Учрал иргэд шатахуун авахын тулд дараалалд хүлээж, ажил, амьдрал, цаг заваараа хохирсоор байгааг онцлон тэмдэглэлээ. Тэрээр энэ нөхцөл байдал газрын тос боловсруулах үйлдвэрийн ач холбогдлыг харуулж байна гэж тэмдэглэв.

Засгийн газар түлш, шатахуун, эрчим хүчний хараат байдлыг бууруулах чиглэлээр ажиллаж байгаа бөгөөд наймдугаар сарын 10-нд газрын тос боловсруулах үйлдвэрийн бүтээн байгуулалтын явцыг шалгасан байна. Тус шалгалтын үр дүнд тодорхой асуудлуудыг шийдвэрлэх үүрэг даалгавар өгсөн байна.

Үүнд, Улсын Их Хурал гадаад зээлийн асуудлыг шийдвэрлэж, үйлдвэрийн санхүүжилт болон гүйцэтгэлийг уялдуулсан шийдвэр гаргасан байна. Мөн бүтээн байгуулалтыг эрчимжүүлэх зорилгоор зарим татвар, төлбөрөөс чөлөөлөх, үйлдвэрлэл, технологийн паркийн статустай болгох шийдвэрийг баталжээ.

Түүнчлэн тулгамдсан асуудлыг сар бүр хэлэлцэн шийдвэрлэх ажлын хэсэг байгуулж, түүхий эдийн тогтвортой хангамжийг хангах үүднээс 15 байршилд газрын тосны хайгуул эхлүүлсэн байна. Газрын тосны тухай хуулийн төслийг УИХ-д өргөн мэдүүлэх бэлтгэл хангагдсан гэж мэдээлэв.

Эдгээр шийдвэрийн хэрэгжилтийг хангуулж, бүтээн байгуулалтын ажлыг саадгүй урагшлуулах үүргийг Аж үйлдвэр, эрдэс баялгийн дэд сайд Б.Мөнхтамирт даалгасан байна.