Монгол Улсын хилээр сэтгэцэд нөлөөт бодис хууль бусаар нэвтрүүлэхийг завдсан хэрэг илэрлээ

Бүгд Найрамдах Нигер Улсын иргэн И болон бусадтай бүлэглэн 2023 оны есдүгээр сарын 16-ны өдөр Монгол Улсын хилээр сэтгэцэд нөлөөт бодис хууль бусаар их хэмжээгээр нэвтрүүлэхийг завдсан хэрэг илэрсэн байна.

Энэ хэрэгт холбогдуулан, “мөс” гэх нэршилтэй 1 кг 35 грамм мансууруулах бодисыг хураан авчээ. Тус хэмжээ нь ойролцоогоор 10 мянган хүн нэг удаа хэрэглэх хэмжээтэй тэнцдэг байна.

Хэргийг шалгах хүрээнд яллагдагчдад цагдан хорих таслан сэргийлэх арга хэмжээ авсан бөгөөд мөрдөн шалгах ажиллагааг эхлүүлсэн гэдгийг албаныхан мэдээлэв.

Монгол Улсын Эрүүгийн хуулийн 20.7 дугаар зүйлд мансууруулах болон сэтгэцэд нөлөөт бодисыг улсын хилээр хууль бусаар нэвтрүүлэх тохиолдолд таван жилийн доод, 12 жилийн хүртэл хорих ял оноох заалттай.

Цагдаагийн байгууллагаас иргэдэд мансууруулах болон сэтгэцэд нөлөөт бодисыг хууль бусаар худалдан борлуулах, тээвэрлэх, дамжуулах, хилээр нэвтрүүлэх гэмт хэрэгт оролцохгүй байхыг анхааруулж байна.