Өндөгний өдөр тутмын хэрэглээний ашиг тус ба анхаарах зүйлс
Өндөг нь хүний биед олон талын ашиг тустай хүнсний бүтээгдэхүүн юм. Эрдэмтдийн судалгаагаар өндөг нь хорт хавдраар өвдөх эрсдлийг бууруулах, илүүдэл жингээ хасахад дэмжлэг үзүүлдэг болохыг тогтоожээ. Английн судлаачдын зөвлөмжөөр хоногт 2-3 ширхэг өндөг идэх нь тохиромжтой гэж үздэг.
Өндөг нь нүдний хараанд эерэг нөлөө үзүүлдэг. Шинэ судалгаагаар өндгөнд агуулагдах лютейн нь нүдний эдийг хамгаалж, хараа муудахаас сэргийлдэг байна.
Мөн өндөг нь яс бэхжүүлэхэд чухал үүрэгтэй витамин Д агуулдаг бөгөөд энэ нь кальцийг шингээж, яс болон шүдийг бэхжүүлдэг.
Өглөө бүр өндөг идэх нь жингээ хасахад тусалдаг. Илчлэг багатай хүнстэй хослуулан хэрэглэвэл жинг хурдан хаяхад дэмжлэг үзүүлдэг бөгөөд өндөг нь өег тул удаан хугацаанд өлсөхгүй байхад нөлөөлдөг.
Жирэмсний үед өндөг нь витамин В9 буюу фолийн хүчил агуулдаг бөгөөд энэ нь ургийн мэдрэлийн тогтолцоог зөв бүрдэхэд чухал үүрэг гүйцэтгэдэг.
Арьсны хөгшрөлтийн эсрэг судалгаанд 35-40 насны эмэгтэйчүүдийн ихэнх нь нөсөөт толбо багасч, арьс нь толигор болсон үр дүн гарсан бөгөөд эрчүүдийн нүдний эргэн тойрон дахь жижиг үрчлээнүүд багассан байна.
Гэсэн хэдий ч өндгийг хэтрүүлэн хэрэглэхгүй байх нь зүйтэй бөгөөд зөвхөн өндгөөр хооллох нь хүнсний харшил үүсгэх эрсдэлтэй. Өдөрт 3 өндөг идсэн бол маргааш нь 1 ширхэг идэх зэргээр хэмжээг тохируулж хэрэглэх хэрэгтэй.
Өндөгний өнгө нь тахианы үүлдэр, өд, чихний өнгөнөөс шалтгаалдаг бөгөөд бор өндөг илүү гэж үзэх нь буруу ойлголт юм. Цагаан тахианаас цагаан өндөг, улаан чихтэй тахианаас бор шаргал өндөг гардаг бөгөөд тахианы наснаас шалтгаалан өндөгний хальс өнгө өөрчлөгддөг.