Нийслэл төрийн албан хаагчдын ажлын цагийг уян хатан зохицуулна
2026-04-20 15:021min
Нийслэлийн засаг дарга Х.Нямбаатар төрийн албан хаагчдын ажлын цагийг уян хатан зохицуулж, ажил эхлэх, тарах цагийг 07:00-08:30, 16:00-17:30 хооронд тогтоолоо. Энэ нь ачаалал бууруулах, бүтээмж нэмэгдүүлэх зорилготой.
Засгийн газраас төрийн албан хаагчдыг 1 өдөр цахимаар ажиллуулах шийдвэр гаргасан.
Үүний дагуу Нийслэлийн засаг дарга Х.Нямбаатар нийслэлийн төр, захиргааны байгууллагын албан хаагчдын ажлын цагийн уян хатан зохицуулалтыг нэвтрүүлжээ. Байгууллагууд дотоод журмынхаа дагуу ажил эхлэх цагийг 07:00-08:30, тарах цагийг 16:00-17:30 хооронд тогтоосон байна.
Эдгээр өөрчлөлт нь албан хаагчдын ачааллыг бууруулах, бүтээмжийг нэмэгдүүлэх, замын хөдөлгөөний ачааллыг сааруулах зэрэг олон талын үр нөлөө үзүүлэхээр төлөвлөж байна.
Засгийн газраас төрийн албан хаагчдын ажлын ачааллыг бууруулах, бүтцийг оновчтой болгох чиглэлээр шинэ тогтоол гаргасантай холбогдуулан хотын удирдлагууд тодорхой зохицуулалтуудыг хэрэгжүүлж эхэлжээ.