Төрийн албан хаагчдыг уян хатан цагийн хуваарийн дагуу ажиллуулах шийдвэр гаргав
2026-04-17 18:301min
Засгийн газар төрийн албан хаагчдыг уян хатан цагийн хуваарийн дагуу ажиллуулах болон долоо хоногт нэг өдрийг цахимаар ажиллах шийдвэрийг баталлаа.
Засгийн газрын 2026 оны 4 дүгээр сарын 8-ны ээлжит хуралдаанаар төрийн албан хаагчдыг уян хатан цагийн хуваарийн дагуу ажиллуулах, долоо хоногт нэг өдрийг цахимаар ажиллах шийдвэр гаргалаа.
Нийслэлийн Засаг даргын А/564 тоот захирамжаар нийслэлд байрлах яам, Засгийн газрын агентлаг, тэдгээрийн харьяа байгууллага, мөн нийслэлийн нутгийн захиргааны байгууллагуудын ажил эхлэх цагийг 07:00-08:30, дуусах цагийг 16:00-17:30 цагийн хооронд уян хатан байхаар тогтов.
Төрийн байгууллагын үйл ажиллагааны тасралтгүй, шуурхай байдлыг хангах үүднээс ажлын зайлшгүй шаардлагагүй тохиолдолд 2026 оны 4 дүгээр сарын 20-ноос эхлэн нийслэлийн төр, захиргааны байгууллагын албан хаагчид долоо хоногт нэг өдрийг зайнаас цахимаар ажиллах боломжтой болно.