Өнгөрсөн Лхагва гаригт 107 насны төрсөн өдрөө тэмдэглэсэн эмэгтэй урт насалсан нууцаасаа хуваалцсан байна. Нью-Йорк хотын Бронкс дүүрэгт амьдардаг Луиз Синьор гэх энэ эмэгтэй эрүүл хоолны дэглэм баримталж, байнга дасгал сургуулилт хийдэг аж.
Зуу давж насалсан тухайд тэрбээр “Хэрэв хүмүүс дасгал хийвэл би дасгал хийдэг. Хэрэв тэд бүжиглэж байвал би бүжиглэдэг. Одоо ч бага зэрэг бүжиглэдэг хэвээр байна. Би үдийн хоолны дараа бинго тоглодог. Ингээд бүтэн өдөр өнгөрдөг дөө” хэмээн CNN-ийн харъяа WCBS сувагт ярьжээ. Мөн тэрбээр “Би огт гэрлээгүй. Энэ л миний 107 насалсны нууц гэж боддог” хэмээн хэлсэн байна.
Синьорын дүү 102 настай бөгөөд гэр бүлийнхэн нь их урт насалдаг талаар “WCBS” мэдээлжээ. Луиз Синьор 107 насны төрсөн өдрийн баяраа Коп хотын Бартов олон нийтийн төвд тэмдэглэсэн бөгөөд 100 гаруй хүн оролцсон байна.
Өнөөдрийн байдлаар 114 настай Алелиа Мерфи АНУ-ын хамгийн өндөр настай эмэгтэйн рекордыг эзэмшиж буй бөгөөд Синьорын төрсөн Нью-Йорк хотын Гарлем дүүрэгт амьдардаг ажээ.
Эх сурвалж: CNN
2 comments
Үр удмаа үлдээхгүй амиа бодож 1000 наслаад ч яах ч юм билээ
chuhamaa chuham