Төв аймгийн гуравдугаар сургууль шүд угаах орчинтой боллоо
Төв аймгийн Зуунмод сумын гуравдугаар сургууль сурагчдынхаа амны хөндийн эрүүл мэндийг дэмжих зорилгоор шүд угаах тохилог орчин бүрдүүлжээ. Энэхүү цэгт сурагчид өглөө, үдийн хоолны дараа хүссэн үедээ шүдээ угаах боломжтой бөгөөд энэ нь шүдээ зөв, тогтмол угаах дадлыг багаас нь хэвшүүлэхэд чиглэсэн улсын анхны төсөл юм.
Төв аймгийн хэмжээнд 32 ерөнхий боловсролын сургууль үйл ажиллагаа явуулж, 20 мянга гаруй хүүхэд суралцдаг бөгөөд гуравдугаар сургуульд 1000 гаруй сурагч суралцдаг байна. Бага насны хүүхдүүдийн дунд амны хөндийн ариун цэвэр хангалтгүйгээс шүд цоорох, буйл үрэвсэх зэрэг асуудал түгээмэл тул сургуулийн эмч, нийгмийн ажилтнууд шүд угаах цэг дээр хүүхдүүдэд зөвлөгөө өгч, эрүүл мэндийг сахиулах ажил зохион байгуулж байна.
Мөн Төв аймаг 2023 оноос хойш ерөнхий боловсролын сургуулиудад шүдний өвчлөлөөс урьдчилан сэргийлэх үзлэгийг тогтмол зохион байгуулж эхэлсэн байна.