“Шинэ Улаангом” худалдааны төвийн түрээслэгчдэд нөхөн төлбөр олголоо

Увс аймгийн Улаангом хотод байрлах “Шинэ Улаангом” худалдааны төв өнгөрсөн оны арваннэгдүгээр сарын 25-нд бүрэн шатаж, 300 гаруй худалдаа эрхлэгчид эд хөрөнгөөрөө хохирсон юм. “Хаан даатгал” компани энэ сарын 7-ны өдөр тус худалдааны төвийн 110 түрээслэгчдэд даатгалын нөхөн төлбөр олголоо. Даатгалын нөхөн төлбөрийн нийт хэмжээ нь 240 орчим сая төгрөг бөгөөд нэг бүрт 15-20 сая төгрөгийн нөхөн төлбөр олгосон байна. Худалдаа эрхлэгчид нөхөн төлбөр авснаар ажиллаж амьдрах урам зориг нь сэргэсэн гэдгээ илэрхийлжээ. Мөн “Шинэ Улаангом” худалдааны төвийг шинээр барихад зориулан улсын төсвөөс 3 тэрбум төгрөгийн санхүүжилт шийдвэрлэгдсэн байна.