Гадаад улсад гэрлэлтээ бүртгүүлсэн иргэдийн Монгол дахь гэрлэлтийн бүртгэл

Гадаад улсад гэрлэлтээ бүртгүүлсэн тохиолдолд Монгол Улсад гэрлэлтээ бүртгүүлэх шаардлага гардаггүй. Гэсэн хэдий ч гэрлэлтээ Монгол Улсад албан ёсоор бүртгүүлэхийг хүсвэл харьяа Элчин сайдын яаманд (ЭСЯ) хандаж бүртгүүлэх боломжтой.

Гэрлэлтийг бүртгүүлэхэд гэрлэх хосууд заавал биеэр ирэх шаардлагатай бөгөөд Иргэний улсын бүртгэлийн тухай хуулийн 7 дугаар зүйлийн 7.1-7.6 дугаар зүйлд заасан бичиг баримтыг бүрдүүлэн бүртгэлд хамрагдана.

Бичиг баримтын жагсаалт:
1. Гэрлэлтийн гэрчилгээ авах мэдүүлгийг үнэн зөв, бүрэн гүйцэд бөглөх
2. Гэрлэлтээ бүртгүүлэх талаар ЭСЯ-д өргөдөл гаргах
3. Иргэний цахим үнэмлэх, гадаад паспорт (эсхүл хуулбарын ар, өвөр)
4. Төрсний гэрчилгээ
5. Эрүүл мэндийн тодорхойлолт, тухайн оршин сууж буй газрын өрхийн эмчээс авсан
6. Өмнө нь гэрлэж байгаагүй тухай эсвэл гэрлэлтээ цуцлуулсан бол гэрлэлт бүртгэлгүй гэсэн лавлагаа, Улсын бүртгэлийн ерөнхий газраас авсан хуулбар
7. Монгол Улсын иргэнтэй гэрлэх гадаад улсын иргэний хувьд дээрх бичиг баримтыг Монгол хэлний баталгаат орчуулагчаар орчуулсан байх
8. Бүртгэлийн хураамжийг төлсөн байх

ЭСЯ гэрлэлтийг бүртгэж, гэрлэлтийн гэрчилгээ олгохдоо ХААТР-15 маягтыг дээрх баримт бичиг болон гэрлэхийг хүсэгчдээс авсан мэдээлэлд үндэслэн бөглөж, Улсын бүртгэлийн ерөнхий газарт хүргүүлдэг. Ингэснээр гэрлэлтийг албан ёсоор бүртгэж баталгаажуулдаг бөгөөд энэ процесс 2-3 сарын хугацаанд явагддаг.