Баярын үеийн зохиомол үнэ хөөрөгдөл ба хариуцлага

Эдийн засгийн хүндрэлийн улмаас иргэдийн орлого хүрэлцэхгүй байгаа ч монголчууд баярыг өргөн хүрээнд тэмдэглэх уламжлалтай. Үүний улмаас зах худалдааны төвүүдэд эрэлт ихэсдэг бөгөөд худалдаа эрхлэгчид эрэлт дагасан зохиомол үнэ хөөрөгдөл үүсгэдэг.

Далд эдийн засаг идэвхтэй өрнөдөг захуудад худалдагчид зарим барааны үнийг нэмэгдүүлдэг ч энэ асуудалд хяналт тавих нь хомс байна. Шударга өрсөлдөөн, хэрэглэгчийн төлөө газраас цагаан сарын баярыг угтан худалдаа эрхлэгчдийн үйл ажиллагаанд хяналт шалгалт хийж, заримд нь мөнгөн торгууль ногдуулдаг.

Гэвч баяр дөхсөн үед үнэ зохиомлоор нэмэгдэх явдал үргэлжилсээр байна. Тухайлбал, хонины ууцны худалдаа эрхлэгчид хэрэглэгчдэд худал мэдээлэл өгч, ууцны хэмжээгээр болон үнийн талаарх мэдээллийг зөрүүтэй өгдөг тохиолдол гардаг.

Үйлдвэрлэгч, импортлогчид үнээ нэмээгүй байхад худалдагч нар дур мэдэн үнийг өсгөж байгаа нь Зөрчлийн хуульд заасан хариуцлага хүлээх ёстой үйлдэл юм. Иймд худалдаа эрхлэгчдийн үнийг зохиомлоор нэмэх асуудалд хариуцлага тооцохыг иргэд шаардах эрхтэй.

Зөрчлийн тухай болон Хэрэглэгчийн эрхийг хамгаалах тухай хуулиар зохиомлоор үнэ нэмсэн этгээдэд торгууль ногдуулах заалт бий. Тухайлбал, хувь хүн 500 мянган төгрөг, хуулийн этгээд 5 сая төгрөгөөр торгуулах боломжтой.

Иргэд зохиомлоор үнэ нэмсэн асуудлаар Шударга өрсөлдөөн, хэрэглэгчийн төлөө газарт хандаж, зах, худалдааны төвийн нэр, лангууны дугаар, бүтээгдэхүүний үнийн мэдээллийг өгч, хариуцлага тооцуулах боломжтой.

Мөн жижиглэнгийн худалдаа эрхлэгчид нэмэгдсэн өртгийн албан татварын баримт өгөөгүй тохиолдолд үнийн талаар гомдол гаргах эрхтэй.