Онцлох мэдээ

“Сибирийн түймэр Монголд орж ирээгүй”

Улаанбаатар хотыг бүхэлд нь бүрхсэн утаа нь Сибирьт шатаж буй өргөн хэмжээний ойн түймрийн утаа гэдгийг Онцгой байдлын ерөнхий газраас мэдээллээ. Красноярскийн хязгаараас Эрхүү, Алс дорнод хүртэл шатаж байгаа уг түймрийн хамрах хүрээ гурван сая гектар талбайд хүрсэн нь Европын Холбооны газар нутгийн хэмжээтэй дүйцэж байгааг эх сурвалжууд мэдээлж байна.

Сибирийн түймэр Монгол Улсын хилд тулсан, хил дамнан орж ирсэн асуудал байхгүй бөгөөд харин түймрийн утаа Монгол Улсын хойд хэсэг, үүнд Хөвсгөл, Булган, Сэлэнгэ, Төв аймгуудын нутагт хүрчээ.

Өнөөдрийн байдлаар Монгол Улсын газар нутаг дээр бүртгэгдсэн ой, хээрийн түймрийн тохиолдол байхгүй гэлээ.

Онцгой байдлын ерөнхий газраас түймэртэй холбоотой мэдээллийг цаг тухайд нь авч, мэдээлэл солилцон, хяналт тавин ажиллаж байгаа юм байна.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close