“Морин хуур” хүүхэлдэйн драмыг дахин толилуулна
2026-01-20 08:001min
"Хөхөө Намжил" домгоос сэдэвлэсэн "Морин хуур" хүүхэлдэйн драмыг хүүхэлдэйн театрын хамт олон энэ сарын 24-нд дахин үзэгчдэд толилуулна. Жүжиг нь үндэсний соёл, ёс суртахууны хүмүүжлийг сурталчилдаг.
“Хөхөө Намжил”-ын домгоос сэдэвлэсэн “Морин хуур” хүүхэлдэйн драм жүжгийг энэ сарын 24-нд дахин үзэгчдэд толилуулах гэж байна.
Хүүхэлдэйн театрын хамт олон энэхүү жүжгээрээ хүүхэд багачуудад урлаг, гоо зүй, ёс суртахууны зөв хүмүүжил олгохыг зорьж, үндэсний биет болон биет бус соёлын өвийг сурталчлан таниулахад чиглэсэн ажлыг гүйцэтгэжээ.
“Морин хуур” хүүхэлдэйн драмыг хүүхэлдэйн урлагийн онцлог, өвөрмөц арга барилыг ашиглан тайзнаа амилуулсан бөгөөд дүрүүд нь эртний монгол хүмүүсийн төрхийг дуурайлган хийсэн модон хүүхэлдэйнүүд юм.
Эдгээр хүүхэлдэйнүүдийн сийлбэр, дүр нь монгол үндэсний бахархал, арга билгийн хос чавхдаст морин хуур хөгжмийн үүсэл, түүний сэтгэл хөдөлгөм түүхийг харуулдаг байна.