Нийгэм

Гамшгаас хамгаалах салбарт БНЭУ-тай хамтран ажиллах талаар санал солилцлоо

Онцгой байдлын ерөнхий газрын дарга, хошууч генерал Т.Бадрал БНЭУ-аас Монгол Улсад суугаа Онц бөгөөд бүрэн эрхт элчин сайд эрхэмсэг ноён Монхиндэр Пратап Синхтэй уулзалт хийлээ.

Уулзалтын хүрээнд хоёр орны Гамшгаас хамгаалах салбарт хамтран ажиллах тухай болон алба хаагчдыг суралцуулах талаар санал солилцсон юм.

Онцгой байдлын ерөнхий газрын хувьд БНЭУ-ын Гамшгийн удирдлагын газартай Гамшгаас хамгаалах салбарт хамтран ажиллах санамж бичиг байгуулахаар ажиллаж байна.

b57bed_J1A8308-6r75h1s9bl8fr5yg0d5pbwvwmui5dp0f2b7do9dpzy8_x974 Гамшгаас хамгаалах салбарт БНЭУ-тай хамтран ажиллах талаар санал солилцлоо

Энэхүү санамж бичиг байгуулагдсанаар хоёр орны гамшгаас хамгаалах салбарын харилцаа, хамтын ажиллагааны эхлэл тавигдаж, цаашид илүү өргөн хүрээнд хамтран ажиллах боломжтой болох юм.

Дашрамд дурдахад Бүгд Найрамдах Энэтхэг Улсад 2017- 2018 онд Онцгой байдлын байгууллагын 20 алба хаагч БНЭУ-ын Засгийн газрын тэтгэлэгтэйгээр Англи хэлний анхан шатны сургалтад хамрагдсан билээ.

1a937b_GJ1A8320-1024x683_x974 Гамшгаас хамгаалах салбарт БНЭУ-тай хамтран ажиллах талаар санал солилцлоо

Уулзалтын үеэр Онцгой байдлын ерөнхий газрын дарга, хошууч генерал Т.Бадрал БНЭУ-ын Элчин сайдын яамнаас тус сургалтыг цаашид уламжлал болгон зохион байгуулж, дунд, ахисан шатны сургалтуудад манай алба хаагчдыг хамруулна гэдэгт найдаж буйгаа уламжилсан юм гэж Онцгой байдлын ерөнхий газраас мэдээллээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close