Талийгаач Л.Бямбаа агсны хүү, шүүгч С.Төмөрбат АНУ-аас цагаачлал хүссэн үү?

Гавъяат хуульч Л.Бямбаа агсны хүү, Нийслэл дэх Захиргааны хэргийн анхан шатны шүүхийн шүүгч С.Төмөрбат хилийн дээс давсан тухай мэдээ өнгөрсөн долоо хоногоос цацагдаж эхэлсэн. Зургаадугаар сарын 26-нд Ерөнхийлөгч Х.Баттулга зарлиг гарган 17 шүүгчийн бүрэн эрхийг түтгэлзүүлсэн байгаа.

С.Төмөрбат эдгээр 17 шүүгчийн нэгд багтсан юм. Өнгөрсөн өдрүүдэд хэвлэлийнхэн Ерөнхийлөгчийн зарлиг гарсны маргааш ОХУ-ын хилийг давсан шүүгч С.Төмөрбатыг битүүхэн эрж хайж байв. Хамгийн сүүлийн мэдээгээр С.Төмөрбат их хэмжээний мөнгөтэй хил давсан бөгөөд ОХУ-аас шууд АНУ руу ниссэн. АНУ-д очиж тус улсаас цагаачлал хүссэн тухай албан бус эх сурвалжууд мэдээлж эхлэв.

Гавъяат хуульч Л.Бямбаа агсан хоёрдугаар сарын 22-23-нд шилжих шөнө Шүүхийн шийдвэр гүйцэтгэх ерөнхий газар /ШШГЕГ/-ын харьяа Урьдчилан хорих 461-р ангид амь насаа алдсан. Түүнийг “Амин билигт” компанийн өмгөөлөгчөөр ажиллаж байхдаа бусдад авлига өгөхөд хамжигчаар оролцсон гэх үндэслэлээр АТГ саатуулаад байсан юм.

Шүүгч С.Төмөрбат нь үнэхээр АНУ-аас цагаачлал хүссэн үү, энэ нь худал мэдээ байсан уу гэдгийг бид тодруулан эргэн мэдээлэх болно.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн