Хууль эрхзүй

Хараагүй иргэдийн замыг хаасан компанийн газрын эрхийг цуцлуулах санал хүргүүлжээ

Сонгинохайрхан дүүргийн 29 дүгээр хороо, Драгон төвийн урд талын нийтийн эзэмшлийн зам дээр баригдсан иргэн Б-ийн эзэмшлийн үйлчилгээний зориулалт бүхий барилгын үйл ажиллагаа, түүний эрхзүйн баримт бичгийн бүрдэлд тус дүүргийн Мэргэжлийн хяналтын хэлтэс хяналт шалгалт хийжээ.

Сонгинохайрхан дүүргийн Засаг даргын захирамжаар 2018 оны 03 дугаар сарын 09-ний өдрийн А/417 тоот шийдвэрийг үндэслэн иргэн Б-д эзэмших эрхийн 130.0 м.кв газрыг худалдаа, нийтийн үйлчилгээний зориулалтаар 15 жилийн хугацаатай эзэмшүүлж, эрхийн улсын бүртгэлд бүртгэж газар эзэмших гэрчилгээг 2019 оны 03 дугаар 15-ны өдөр олгожээ. Мөн Нийслэлийн Улсын бүртгэлийн газраас 129.96 м.кв талбай бүхий үйлчилгээний зориулалттай нэг давхар үл хөдлөх эд хөрөнгийн дугаарт бүртгэж, гэрчилгээ олгосон байна.

Тус үйлчилгээний зориулалттай барилгыг явган хүний зам дээр барьсан нь хараагүй хөгжлийн бэрхшээлтэй иргэдийн саадгүй зорчих орчинг хязгаарлаж, тэдний аюулгүй зорчих эрхийг зөрчсөн байна. Иймд иргэн Б-д шаардлага өгч, хараагүй иргэдийн чөлөөтэй зорчих нөхцөлийг бүрдүүлж, хөтчийн зам талбайг засаж тохижуулах ажлыг хийж гүйцэтгүүлжээ.

Сонгинохайрхан дүүргийн Засаг даргад явган хүний зорчих зам дээр иргэн Б-д эзэмших эрхтэй 130.0м.кв газрыг худалдаа, нийтийн үйлчилгээний зориулалтаар 15 жилийн хугацаатай эзэмшүүлэхээр олгосон эрхийг цуцалж иргэдийн эрүүл, аюулгүй зорчих нөхцөлийг бүрдүүлж өгөх албан тоотоор хүргүүлсэн байна.

20190618140800-768x1024-2-768x1024 Хараагүй иргэдийн замыг хаасан компанийн газрын эрхийг цуцлуулах санал хүргүүлжээ

20190618140013-1024x768-1-1024x768 Хараагүй иргэдийн замыг хаасан компанийн газрын эрхийг цуцлуулах санал хүргүүлжээ 2-4 Хараагүй иргэдийн замыг хаасан компанийн газрын эрхийг цуцлуулах санал хүргүүлжээ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close