GS Consultancy байгууллагаас тархины саажилттай иргэдийн авьяас чадварыг нийтэд сурталчлан таниулах зорилгоор “Уран зураг ба Дижитал технологийн цоморлиг” үзэсгэлэнг зохион байгуулж байгаа юм. Уг үзэсгэлэнгийн нээлт өнөөдөр 16 цагаас Хүүхдийн урлан бүтээх төвд эхлэх бөгөөд энэ сарын 23-ны өдрийг хүртэл үргэлжлэх аж.. Энэхүү арга хэмжээнд зураач Л.Золбоо, С.Намуунцэцэг нарын уран бүтээлүүдийг компьютер график ашиглан хөдөлгөөнт байдлаар дэлгэн тавих юм байна.
Урьд өмнө нь болж байгаагүй шинэлэг, содон болох “Уран зураг ба Дижитал технологийн цоморлиг” үзэсгэлэнгийн гол зорилго нь;
– Тархины саажилттай буюу хөгжлийн бэрхшээлтэй иргэдийн авьяас чадварыг олон нийтэд таниулах
– Нийгэмд эерэг хандлага төлөвшүүлэн,
– Хүүхэд залууст үлгэр дуурайлал болох
– Уран зургийн үзэсгэлэнгийн салбарыг шинэ шатанд гаргах нөлөө, ач холбогдолтой хэмээн онцолжээ.
