“Монкорд” ХЗХ хоршоо дампуурч, мянга мянган хадгаламж эзэмшигчид хохирсон хэдий ч Санхүүгийн зохицуулах хороо, энэ байгууллагын дарга С.Даваасүрэн хоршооны дампуурлыг чимээ аниргүй өнгөрөөх гарцыг эрэлхийлж сууна.

С.Даваасүрэн Санхүүгийн зохицуулах хорооны даргаар томилогдоод гурван жил өнгөрчээ. Харин өнөөдөр дампуурал нь яригдаж буй Монкорд ХЗХ-ны үйл ажиллагаа 2016 оноос хөндөгдсөн бөгөөд С.Даваасүрэнг ажлаа авсан 2016 онд нэг, 2017 онд гурав, 2018 онд 60 хадгаламж эзэшигч иргэн СЗХ-нд хандан “Монкорд” ХЗХ-ны үйл ажиллагаа нэг л биш, шалгаж өгнө үү гэсэн өргөдлийг өгч байжээ.

Гэвч С.Даваасүрэн тэдний өргөдөл гомдлыг огт хэрэгсээгүй байна. Харин ч эсрэгээр ХЗХ үйл ажиллагаа явуулах тусгай зөвшөөрлийг нь сунгаж, өргөдөл өгсөн иргэдийг  “Энэ бол ядарсан хоршоо, хүнд байдалд орчихоод байна. Зөрчлийн хуулиар нэг иргэний гомдолд хоёр сая төгрөгийн торгууль тавигдана. Ингэж торгууль төлүүлж, хоршооны эдийн засгийн унагааж болохгүй. Нэмээд өндийж байгаа эдийн засаг унана, долларын ханш унана. Та нар өргөдөл өгөөд хэрэггүй” хэмээн хаацайлан хамгаалсаар ирсэн байх юм.

Санхүүгийн нарийн мэдээллийг сөхвөл Монкорд ХЗХ-эд 2012 оноос хойш зөрчлүүд илэрсээр байжээ. СХЗ тус Хадгаламж зээлийн хоршоог 2012 онд шалгаад хангалтгүй, 2014 онд 58.3 хувь хангалтгүй, 2015 онд хангалттай, 2017 онд хангалтгүй гэж дүгнэсэн. Гэсэн хэрнээ ямар ч арга хэмжээ аваагүй, эсрэгээр тусгай зөвшөөрлийг нь сунгаад яваад байсан нь хамгийн их анхаарал татсан асуулт болж байна.

Энэ үед шаардлагатай арга хэмжээг авсан бол өнөөдөр 3000 гаруй хохирогч, 20 гаруй тэрбум төгрөгийн хохирол яригдахгүй байж болох байв. Арилжааны банкны зээлийн хүү 17.8 хувь. Гэтэл ХЗХ-ны зээлийн хүү 34-39 хувийн хүү тооцон олгож байгаа. Дэлхийд байхгүй ийм өндөр хадгаламжийн хүү иргэдийг хошууруулж байгаа.

Иргэдийн итгэлийг ийн татаж, бэлэн мөнгийг нь хураасны эцэст ХЗХ-г дампууруулж буй эзэд, төрийн зүгээс хяналт тавих ёстой Санхүүгийн зохицуулах хороо хоёрын дунд ямар нэгэн үл харагдах холбоос үүссэн байхыг үгүйсгэх аргагүй баримтуудыг энэ удаа дэлгэж байна.

Санхүүгийн зохицуулах хорооны Хяналт, шалгалтын хэлтэс 2018 онд “Монкорд”-ыг татан буулгаж, тусгай зөвшөөрлийг хүчингүй болгох саналыг даргадаа өргөн барьж байжээ. Хачирхалтай нь С.Даваасүрэн дарга Хяналт шалгалтын хэлтсийнхээ энэ саналыг огт авч хэрэгсээгүй.

Илэрсэн зөрчил дутагдлын дагуу торгууль оногдуулж, үүссэн хүндрэлийг дараагийн шатны байгууллагад танилцуулж, асуудлыг шийдвэрлэх эрхтэй улсын байцаагчдынхаа саналыг тоогоогүй С.Даваасүрэн дарга Монкорд ХЗХ-ны тусгай зөвшөөрлийг сунгах гэж байгаад баригдсаныг Санхүүгийн зах зээлийн зөвлөлийнхөн УИХ-ын даргад илгээсэн албан бичигтээ дурдсан байх юм.

Иргэдийн өргөдөл гомдлыг буцаалгаж, улсын байцаагчдынхаа саналыг нохой хуцсанаас долоон дор хэмжээнд хүлээж авсан С.Даваасүрэнд Монкорд ХЗХ-г хамгаалах ямар шаардлага байсан бэ?

2012 оноос хойш Монкорд” ХЗХ аудит тайлангаа худлаа мэдүүлж ирсэн байна. Тэд Санхүүгийн зохицуулах хороо битгий хэл Сангийн яаманд ч худлаа мэдээлэл явуулж байжээ. Хоёр өөр тайлан гаргаж байсан нь баримтаар илэрсэн бөгөөд Монкорд ХЗХ нэг төрлийн санхүүгийн луйвар үйлдэж байсан аж.

Тус ХЗХ-ны хүү 30-33 хувь. Энэ бол мөнгө хүүлэх үйл ажиллагаа. Харин ард нь иргэдийн мөнгийг завшин мөнгө угаах, улстөрчид рүү мөнгө илгээх зэрэг хууль бус үйл ажиллагаанууд явагдсан байж болохыг ч хохирогчид нь ярьж байна. Тухайлбал, УИХ-ын 2016 оны сонгуулийн үеэр тус ХЗХ-ноос мөнгө нэлээд их гарсан. УИХ-ын сонгуульд зарцуулагдсан, нэр бүхий гишүүдэд очсон гэх мэдээлэл Цагдаагийн байгууллагад очжээ.

СЗХ-ны дарга С.Даваасүрэн, Монкорд ХЗХ-ны гүйцэтгэх захирал М.Дэлгэрмаа нар дунд сургуульд хамт сурч байсан. Хоёул Нийслэлийн 24 дүгээр сургуулийг төгссөн. Мөн хоёул 1990-ээд оны дундуур МУИС-ийн Эдийн засгийн сургуулийг төгсөж байжээ.

С.Даваасүрэн 2016 оны УИХ-ын сонгуулийн дараа Санхүүгийн зохицуулах хорооны даргаар томилогдсон. Түүнийг энэ ажлыг авахад улс төрийн хүрээнд С.Даваасүрэн бол М.Энхболдын хүн хэмээн тодорхойлж байсан.

Өнгөрсөн УИХ-ын сонгуулийн үеэр хэрвээ Монкорд ХЗХ-ноос их хэмжээний мөнгө гарсан нь үнэн. Энэ нь тодорхой улстөрчдийн гарт очиж, тэдний сонгуулийн үйл ажиллагааны санхүүжилт болсон гэх мэт хардлагууд хэрвээ үнэн бол С.Даваасүрэн СЗХ-ны даргын албан тушаалыг 60 тэрбумын схемийн төлбөр тооцооны дагуу олж авсан уу гэсэн асуудал дагаад бас хөндөгдөх л болно.

Д.ТУНГАЛАГ

By updown

8 thoughts on “СЗХ-ны дарга С.Даваасүрэн дампуурсан Хадгаламж зээлийн хоршооны тусгай зөвшөөрлийг сунгах гэж байжээ”
  1. сунгах гэж байжээ.., гарцыг эрэлхийлж сууна.., хэрвээ үнэн бол.., авсан уу гэсэн асуудал дагаад бас хөндөгдөх л болно.., гэх зэргээр хүний оюун бодолд ороод далдыг харж бичсэн материал юм уу? Нэг ч баримт алга. Муусайн хөлснийхөн сэтгүүл зүйг ингэж доош нь хийхгүй ээ. Хүний нэр төрд ингэж халдахгүй ээ. Лааг нь бариад зогсч бсан юм шиг төсөөллөөрөө бичихгүй ээ. Муу бодлоо сайтуудад ингэсэн байгаасай гэсэндээ зохион оруулж, уншигчдыг доромжлохгүй ээ. Д. Тунгалаг гэж ямар сэтгүүлч үнэхээр бдаг уу? Хоосон нэрээр тачаадаад хэрэггүй ээ. Хууль дүрэм, сэтгүүл зүйн зарчим, ёс зүй хаана бна? Эцэст нь хэлэхэд Бодит бус мэдээлэл нуугдмал зорилготой бдаг.

  2. сунгах гэж байжээ.., гарцыг эрэлхийлж сууна.., хэрвээ үнэн бол.., авсан уу гэсэн асуудал дагаад бас хөндөгдөх л болно.., гэх зэргээр хүний оюун бодолд ороод далдыг харж бичсэн материал юм уу? Нэг ч баримт алга. Муусайн хөлснийхөн сэтгүүл зүйг ингэж доош нь хийхгүй ээ. Хүний нэр төрд ингэж халдахгүй ээ. Лааг нь бариад зогсч бсан юм шиг төсөөллөөрөө бичихгүй ээ. Муу бодлоо сайтуудад ингэсэн байгаасай гэсэндээ зохион оруулж, уншигчдыг доромжлохгүй ээ. Д. Тунгалаг гэж сэтгүүлч үнэхээр бдаг уу? Хоосон нэрээр тачаадаад хэрэггүй ээ. Хууль дүрэм, сэтгүүл зүйн зарчим, ёс зүй хаана бна? Эцэст нь хэлэхэд Бодит бус мэдээлэл нуугдмал зорилготой бдаг.

    1. 3000-аад хадгаламж эзэмшигчид, түүн дотор 1500 бяцхан зөгий хадгаламж эзэмшигч хүүхдүүдийн нийт 22 тэрбум төгрөг алга болоод, СЗХороо өөрөө гэмт хэргийн шинж илэрсэн гээд Эрүүгийн цагдаагийн эдийн засгийн гэмт хэрэгтэй тэмцэх албанд шалгагдаад байхад нэг ч баримт алга гээд юу яриад байна. 2 эмэгтэй ярилцаад 22 тэрбумыг хулгайлаад авчихая гээд хийдэг хэрэг мөн үү? Сэтгүүлч хүн энэ хэргийн талаар ядаж сайтар судалж байж бичихийн оронд харин Даваасүрэнг хамгаалах гэж яаран дааран яасан их уур омогтой бичнэ вэ. Наад тавиад байгаа асуултаа эхлээд өөрөөсөө асуу.

  3. Yamar undur huu ugch baigaa ve. Getel bi gishuun bolovch jiliin 19.2-21.6% iin l huutei munguu hadgaluulj baisan daa. Tegeheer heniih ni mungiig iim aihtar undur huugeer bodoj baisan yum be? shalgah heregtei. Yer ni SZX, Murdungiinhun Moncordiin dansnii argaar iddeg baisan eseh, sanhuugiin luivriin chanartai guilgee zergiig ni nyagtlah ni l gol baina daa. Odoogiin baidlaar bol ch gishuudiig HOHIROLGUI gej heluuleh ; tuluvluguutei baih shig baina lee dee. Hamgiin gol ni Ul hudluh, gazar zergiig neelttei, gishuudiin oroltsootoigoor une hayaltsuulj zarahgui bol mash hyamdaar avah vii gej aij baina. Dundaj huugeer hadgaluulj baisan gishuuded GEREENII DAGUU mungiig ni huutei ni olgoh heregtei.

  4. Neeree humuus SZX-nd gomdol gargaagui, tuunchlen Delgermaa ni gadaadiin irgenii mungiig luivardsan hergeer barigdaagui baisan bol ch Moncord odoo zugeer l yavj baigaa daa, gishuud ni medehgui, buun humuus nemj munguu ugch hohirood l, Delgermaa g.m ajiltnuud ni hurimtlaliin mungiig ni ideed l.

  5. Хариуцсан ажлаа мэддэггүй ийм хүмүүс аливаа байгууллагыг удирдахаар ийм л байдалд хүрч байгаа юм даа. “Би ХЗХ-г хариуцдаггүй, ажлаа бид нар хуваагаад авсан” гээд УИХ-ын Өргөдлийн байнгын хорооны хуралдаан дээр өөрийгөө өмөөрч хээв нэг тайлбарлаад сууж байгаа хүн яаж энэ том байгууллагыг удирдах вэ дээ? Багш хийх ч ёс суртахуунгүй хүн байна. ХЗХ-ны гишүүд одоо мөнгөө аваад банканд хадгалуулах хэрэгтэй, гэхдээ банк дампуурвал 20 сая хүртэл мөнгийг чинь л буцааж олгоно шүү, Капитал саяхан дампуурчлаа бас. Энэ нь Монголбанк, СЗХ хяналт шалгалтаа тавьж чаддаггүйг харуулж байна. Эрсдлээс урьдчилан сэргийлэх чадваргүй байна. Тартагт нь тултал явуулж байж л мэдэрч байна. Чаддаг хүмүүст ажлаа өгмөөр юм, юунд нь шигдээд суудаг байна даа???

  6. Moncordiin gishuudiin hohirliig Delgermaa yaj guij shalj baij geree hiin sungasan yag l tuugeer ni baragduulah heregtei shuu! Uchnuun jil munguu hadgaluulchihaad, yu ch avch chadahgui, hohirolgui geed yavmaargui l baina shuu. Iim SHUDARGA BUS shiidver gargaval busad XZX diin gishuud munguu tataj bankand hiisen ni deer baih shuu!

  7. 3000-аад хадгаламж эзэмшигчид, түүн дотор 1500 бяцхан зөгий хадгаламж эзэмшигч хүүхдүүдийн нийт 22 тэрбум төгрөг алга болоод, СЗХороо өөрөө гэмт хэргийн шинж илэрсэн гээд Эрүүгийн цагдаагийн эдийн засгийн гэмт хэрэгтэй тэмцэх албанд шалгагдаад байхад нэг ч баримт алга гээд юу яриад байна. 2 эмэгтэй ярилцаад 22 тэрбумыг хулгайлаад авчихая гээд хийдэг хэрэг мөн үү? Сэтгүүлч хүн энэ хэргийн талаар ядаж сайтар судалж байж бичихийн оронд харин Даваасүрэнг хамгаалах гэж яаран дааран яасан их уур омогтой бичнэ вэ. Наад тавиад байгаа асуултаа эхлээд өөрөөсөө асуу.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн