Мэдээллийн сайтууд Асашёорюү Д.Дагвадоржийг ураны лицензтэй, улмаар олборлолт явуулахад бэлэн болжээ гэх агуулгатай “АРХАНГАЙЧУУД НУТАГ УСАА УХУУЛАХГҮЙ. ХАРИН ХАМГААЛАХ БОЛНО!!!” гэсэн гарчиг бүхий мэдээллийг цацсан байгаа юм. Гэхдээ уг мэдээллүүд одоо бүгд устгагдсан байна.
Уг мэдээлэлд “Уул уурхайн сайд Д.Сумьяабазарын дүү, их аварга, Асашёорюү Д.Дагвадоржийн компани нь Архангай аймгийн Өндөр-Улаан сумын Азарга багт ураны хайгуулын лиценз авч, хайгуул хийж дууссан байна! Одоо газрыг ухаж, олборлож эхлэхээр бэлтгэл ажлаа хангажээ. Үнэхээр нутаг орныг минь ухах гэж байгаа бол АРХАНГАЙЧУУД БИД эсэргүүцлээ илэрхийлсээр байх болно” гэж дурджээ.
Харин үүнд Их аварга дараах хариултыг өгсөн байгаа юм. Тэрээр “Архангай аймагт надад ямар ч ураны лиценз байхгүй. Тэгээд ч миний ижийн нутаг. Тэгээд болоо. Өөр асуудал алга. Бас намайг алтны уурхайтай гэж ярьсан байна лээ. Надад ямар ч тийм юм байхгүй” гэв. Мөн цахим хуудаснаа “Чин үнэндээ надад дургүй хүн зөндөөн л бгаа! Харин тэр хүмүүс хэзээ ч намайг хараагүй үзээгүй хүмүүс! Үзсэн бол өнгөр бодолтой хүмүүс! Архангай аймаг миний ээжийн нутаг! Эхийнхээ хэвлийнээс төрж бойжсон хүн ээжийнхээ нутгийг ухаж бусинуулах уу? Миний бодол тийм зүйлтэй эвлэрхгүй! Хүн насны нэг л жаран!!!! Буцаад бид бүгдээрээ газартаа шингээд алга болно!!! Тэрнийг би бид бүгдээрээ бодох хэрэгтэй!!! Эцэст ийм хүн нинжа царайлаад явах уу?” гэжээ.
Тэгвэл Асашёорюү Д.Дагвадоржийн нэр холбогдсон ураны лицензийн асуудлыг хэн сөхөв?
“Босоо Хөх Монгол” ТББ-аас энэ сарын 13-ны өдөр хэвлэлийн хурал зарлаж, тус ТББ-ын орон нутгийн салбарын гишүүд сэтгүүлчдэд нутаг орныхоо нөхцөл байдлын талаар сэтгүүлчдэд мэдээлэл өгсөн юм. Энэ үеэр Архангай аймаг дахь салбар зөвлөлийн тэргүүн Б.Банзрагч энэ талаар сэтгүүлчдэд мэдээлжээ.
Тэрээр “Орхон багийн нутагт Алтан Дорнод Монгол компани, Монгол газар, Алтай богд, Улз гэхчлэн 5-8 компани үйл ажиллагаа явуулж байна. Архангай аймгийн Өндөр-Улаан сумын Азарга багт 2010 оны зургадугаар сараас ураны хайгуулын лицензийг авч олборлож эхэлсэн. Уран нь байгаль дээр байгаагаараа хараахан хор нөлөөгүй. Харин олборлоод ирэхээр хавь ойрын 60 км дотор хүн болон ан амьтан, ховор ургамал байлгахыг хориглодог хуультай. Яагаад гэвэл мутацид орох маш их хор хөнөөлтэй. Одоо хайгуулаа хийж дуусгаад өчнөөн жил хаяж явчихаад дахиж уран руугаа гүнзгий орж байна. Асашёорюү Д.Дагвадорж аварга аа, би танд хэлье. Би Монгол хүн. Бидний зүрх Монголын төлөө цохилдог юм. Та өөрөө телевизээр “Монгол хүн Монгол нутагтаа яагаад ухаж болдоггүй юм бэ” гэж хэлсэн шүү. Тэр ураныг чинь бид яагаад ч ухуулахгүй. Хэзээ ч ийм юм болохгүй гэдэг дээр хатуу байр суурьтай тэмцэнэ” гэсэн юм.
2 comments
Одоо эдэнд итгэх хэрэггүй ерөнхийлөгч, ерөнхий сайд, згхэг дарга, сайдууд гээд бүгд улаан цаым ярьж бичүүлж тараадаг. Оргүй юмыг хүмүүс хөндөагүй л бга өчнөөн лиценз байж л бга. МАН гараад женкогийн хэдэн лицензийг хүчингүй болгонгуут өөрийн хүн сумъяабазарыг сайдаар тавиад эргүүлээд сэргээсэн гсн балиар бүгд адилхан хулгайч авилгачид