Монголын Прокуроруудын холбооны удирдах зөвлөл хуралдаж, холбооны ерөнхийлөгч, гүйцэтгэх захирал, нарийн бичгийн дарга болон гишүүдийг шинээр сонгожээ.
Улсын Ерөнхий прокурорын орлогч С.Алиманцэцэг Монголын Прокуроруудын холбооны ерөнхийлөгчөөр, Баянзүрх дүүргийн Прокурорын газрын ерөнхий прокурор Ц.Батболд гүйцэтгэх захирлаар, УЕПГ-ын Олон нийттэй харилцах албаны дарга Д.Дашмаа нарийн бичгийн даргаар, удирдах зөвлөлийн гишүүдээр Гадаад харилцаа, эрх зүйн туслалцааны хэлтсийн даргыг түр орлон гүйцэтгэгч Ц.Нямтайван, Тамгын хэлтсийн дарга О.Машбат, эдийн засагч, референт О.Энхбилгүүн, Нийслэлийн Прокурорын газрын Хяналт шалгалт, мониторингийн хэлтсийн дарга Б.Пүрэвжав, Тээврийн Прокурорын газрын хяналтын прокурор Д.Агар, Баянзүрх дүүргийн Прокурорын газрын хяналтын прокурор Ц.Гантулгабат нар тус тус сонгогдон, ажиллаж байна.