Өмнөд Хятадын тэнгист Орос, Америкийн хөлгүүд мөргөлдөх шахжээ

Филиппиний арлуудын ойролцоо өчигдөр Орос, Америкийн тэнгисийн хүчний байлдааны хөлгүүд мөргөлдөх шахсан байна. Тэд бие биедээ хэдхэн метрийн зайтай ойртсон бөгөөд хөлөг хоорондын зай 15-30 метрт хүрсэн гэж АНУ-ын албаны эх сурвалж мэдээлжээ.

Үүний улмаас талууд харилцан бие биенээ “аюултай, мэргэжлийн бус жолоодлого” хийлээ хэмээн буруутгажээ.

Орос, Америкийн байлдааны нисэх онгоцнууд хоёр улсын агаарын хил дагуу тагнуулын мэдээлэл цуглуулах, эсрэг талынхаа хариу үйлдэл үзүүлэх чадварыг сорих зорилгоор тулгарах явдал түгээмэл байдаг ч тэнгисийн хөлгүүд ийнхүү ойртох нь маш ховор тохиолдол аж.

АНУ-ын Номхон далайн долдугаар флотын командлагч Клэйтон Досс Оросын “Адмирал Виноградов” хөлгийг аюултай үйлдэл хийж, өөрийнх нь хөлгийн аюулгүй байдалд эрсдэл учруулсан гэж буруутгасан бол ОХУ-ын тэнгисийн флот АНУ-ын USS Chancellorsville хөлгийг гэнэт чиглэлээ өөрчилж, өөрийнх нь хөлгийн замд хөндөлссөн тул 50 хүртэл метр ойртсон гэж мэдэгдсэн байна.

АНУ-ын тэнгисийн хүчний гаргасан хэд хэдэн видео дүрсэнд хоёр хөлөг ойрхон зайтай зэрэгцэн хурдалж байгааг харуулжээ. Мөн Оросын хөлгийн нисдэг тэрэгний тавцан дээр хөлгийн багийн зарим гишүүд наранд биеэ шарж суугааг харуулжээ.

Гурван өдрийн өмнө Газар дундын тэнгист Оросын Су-35 сөнөөгч онгоц Америкийн нисэх онгоцонд хэт ойртож аюул учруулсан тухай АНУ-ын тэнгисийн зургаадугаар флотын командлал мэдээлж байсан аж.

Эх сурвалж: Interfax

3 thoughts on “Өмнөд Хятадын тэнгист Орос, Америкийн хөлгүүд мөргөлдөх шахжээ

  1. Mop 2019-06-10 11:16 at 11:16

    аймшигтай

    Хариулах
  2. Зочин 2019-06-10 17:51 at 17:51

    АМЕРИК ОРОС ХОЁР БАЙЛДАХ НЬ ЗӨВХӨН ХЯТАДАД АШИГТАЙ. АМЕРИК ОРОС ХОЁР МАШ ИХ ХОХИРОХ БОЛНО. ДАЙНД ЯЛАГЧ ГЭЖ БАЙХГҮЙ.

    Хариулах
  3. Нэргүй 2019-06-11 01:55 at 01:55

    Үзэх гээд л байна даа. Дайн хүсэх юм ч биш дээ. Америкууд дан хүн өдөж байдаг янзын нөхдүүд шүү. Хичнээн улс Сэм авгын гараар орж мөхөв дөө

    Хариулах

Нэргүй-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн