Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Олимпод оролцох баг тамирчдын ёслолын болон спорт хувцасны загварын уралдаан зарлалаа – updown.mn

Олимпод оролцох баг тамирчдын ёслолын болон спорт хувцасны загварын уралдаан зарлалаа

Монгол Улс Япон Улсын нийслэл Токио хотноо 2020 онд зохион байгуулагдах Олимпийн болон Паралимпийн наадамд оролцох бэлтгэл ажлын хүрээнд монголын баг тамирчид, дасгалжуулагчийн ёслолын болон спортын хувцасны загвар гаргах сонгон шалгаруулалтыг үндэсний хэмжээнд зохион байгуулахаар 2019 оны зургадугаар сарын 5-ны өдрөөс эхлэн загвар сонгон шалгаруулах уралдааныг зарлалаа.

Энэ хүрээнд Боловсрол, соёл, шинжлэх ухаан спортын дэд сайд Г.Ганбаяр болон яамны Биеийн тамир, спортын бодлогын газар, Засгийн газрын хэрэгжүүлэгч агентлаг Биеийн тамир, спортын газар болон Соёл, урлагийн бодлогын газраас монголын загвар зохион бүтээгч, хувцас урлалын байгууллага, сургалтын байгууллагын багш, оюутан зэрэг хувцас загвар, дизайны чиглэлээр үйл ажиллагаа эрхэлдэг уран бүтээлчдийг 2019 оны энэ сарын 4-ний өдөр хүлээн авч, загвар сонгон шалгаруулалттай холбоотой санал солилцсон юм.

Уулзалтад Монголын дизайнеруудын холбоо, Монголын дизайн урлагийн академи, Оёдлын салбарын нэгдсэн холбоо, Шилмэл загвар ХХК, СУИС, ШУТИС, Урлах Эрдэм Дээд сургууль зэрэг мэргэжлийн сургууль, холбоод, төрийн болон төрийн бус байгууллага, хувцас урлал, зохион бүтээгч, үндэсний үйлдвэрлэгч, хувь уран бүтээлч, судлаач багш оюутнууд оролцож санал бодлоо хуваалцлаа.

Уулзалтад оролцогчдын санал зөвлөмжийг тусган Боловсрол, соёл, шинжлэх ухаан спортын яамнаас өчигдрөөс (2019.06.05) эхлэн загвар сонгон шалгаруулах уралдааныг албан ёсоор зарлаж, уралдааны удирдамжийг яам, агентлагийн албан ёсны вэб хуудсанд байршуулжээ.

Иймд төр, төрийн бус байгууллага, мэргэжлийн холбоо, уран бүтээлч, дизайнер Та бүхнийг ёслолын болон спортын хувцасны загвар сонгон шалгаруулах уралдаанд өргөнөөр оролцохыг урьж байна.

Удирдамжийн хуудас нэгхуудас хоёрхуудас гуравхуудас дөрөв  ийг тус бүр дээр дарж татаж авна уу.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн