БНСУ-ын Чүн Чон хотод Монгол Улс-ын Пусан хотын Консулын газраас энэ сарын 24-25-ны өдрүүдэд Хөдөлмөр нийгмийн хамгааллын үйлчилгээ болон уулзалтыг зохион байгуулах юм байна.
Уулзалтанд Е-7 визний талаар зөвлөгөө өгөх ба дараахь үйлчилгээг үзүүлэх ажээ. Үүнд:
1. Иргэний үнэмлэх олгох бүртгэл хийх /16 нас хүрсэн иргэд/, сунгах /25, 45 хүрсэн иргэд/
2. Бүх төрлийн нотариатын үйлчилгээ, итгэмжлэл баталгаажуулах,
3. Гэрлэлт бүртгэж, гэрчилгээ олгох,
4. Төрснийг бүртгэж, гэрчилгээ олгох,
5. Шинээр гадаад паспорт мэдүүлэх материал хүлээн авах,
6. Энгийн гадаад паспортын хүчинтэй хугацаа сунгах,
7. Буцах үнэмлэх мэдүүлэх материал хүлээн авч буцах үнэмлэх олгох
8. Бүх төрлийн бичиг баримтын орчуулга
9. Нотариатын үйлчилгээ
Эдгээр үйлчилгээг авахын тулд ямар материал бүрдүүлэх талаарх мэдээлэл, зааврыг манай www.busan.consul.mn цахим хуудаснаас авч, шаардлагатай материалыг зохих ёсоор бүрдүүлж ирнэ үү. Мэдүүлэг бөглөхдөө зөвхөн Монгол хэлээр бичнэ үү.
Анхаарах зүйлс: 16-гаас дээш насны иргэд иргэний үнэмлэх авах, 25, 45 насны сунгалт хийлгэх бүртгэлд хамрагдах иргэд биеэр ирж хурууны хээгээ бүртгүүлнэ. Эдгээр иргэд гадаад паспорт, иргэний үнэмлэх, төрсний гэрчилгээний эх хувь, аль эсвэл хуулбарыг /гаргацтай гарсан/ авч ирнэ.
Түүнчлэн ургийн овог, Монгол Улс дахь байнга оршин суугаа хаяг, эхнэр, нөхөр болон 16 хүртэлх насны хүүхдийн регистрийн дугаарыг сайтар тодруулж, заавал мэдсэн байх /тэдгээрийн регистрийн дугаар болон хаяг бүхий бичиг баримтын хуулбар байвал сайн/ шаардлагатайг анхаарна уу.
Консулын үйлчилгээний талаар асуух зүйл гарвал Консулын газрын busan@mfa.gov.mn цахим шуудан, Consulate of Mongolia in Busan /Пусан хотод суугаа Консулын газар/ фэйсбүүк хаяг болон 051-465-9996 дугаарын утсанд хандана уу.
Иргэд та бүхэн Консулын үйлчилгээ авахтай холбоотой хаяг, байршлын талаарх дэлгэрэнгүй мэдээлэл авахыг хүсвэл 010-5738-6828 дугаарын утсаар холбогдоно уу.
УУЛЗАЛТ:2019.05.24 нд 14:00~17:00
ҮЙЛЧИЛГЭЭ: 2019.05.25 нд 10:00~17:00
МОНГОЛ УЛСААС БҮГД НАЙРАМДАХ СОЛОНГОС УЛСЫН
ПУСАН ХОТОД СУУГАА КОНСУЛЫН ГАЗАР
