Сүрьеэгийн халдвар авсан сурагчдад изониазид эмийг өгч байна

Нийслэлийн Хан-Уул дүүргийн 15-р дунд сургуулийн 1710 хүүхдийн 529-д нь сүрьеэгийн халдварын шинж тэмдэг илэрсэн талаар бид өмнө нь мэдээлсэн. Энэ мэдээлэл эцэг, эхчүүдийг цочирдуулав.

Халд­варт өвчин судлалын үндэсний төвийн Сүрьеэгийн тандалт судалгааны албаны тархвар судлаач, Анагаах ухааны доктор Д.Наранзул хэлдэхдээ Халдвар авсан 529 хүүхдэд “Изониазид” гэх сүрьеэний эсрэг урьдчилан сэргийлэх эмийг өгч эхэлж байгаа. Дахин хэлэхэд, халдвар авсан гэдэг нь өвчилсөн гэсэн үг биш. Сүрьеэгийн халдвар нь тодорхой хүндэрсэн нөхцөл бүрдэхэд өвчин болж хувирдаг. Хүүхдийн дархлааны систем сулрах, ямар нэгэн халдварт өвчнөөр өвдөх, хоол тэжээлийн хомсдолд орох, хүнд хэлбэрийн мэс засалд орох гэх мэт нөхцөл байдал үүссэнээр сүрьеэ өвчин болох эрсдэлтэй байдаг гэв.

 Тус эмийг халдвар авсан сурагчдад уулгахад сөрөг нөлөөгүй. “Изониазид”-ыг ууснаар сүрьеэгээр өвчлөх магадлал үгүй болж, хүүхэд эрүүл болно гэдгийг ч дурджээ.

Анх 2016 онд тус сургуулийн хоёр хүүхэд багшаасаа сүрьеэгийн халдвар авч, Хан-Уул дүүргийн мэргэжлийн хяналт болон нийслэлийн Мэргэжлийн хяналтын хэлтэсд гомдол гаргаж байжээ. Тухайн үед холбогдох мэргэжлийн хүмүүс нь хяналт, шалгалт явуулаад, тухайн сургуулийн захирлыг нийгмийн халдварт өвчтэй хүн ажлуулсан гэж үзэн 4 500 000 төгрөгөөр торгож, халдвар авсан хүүхдүүдийг Халдварт өвчин судлалын үндэсний төвд эмчлүүлсэн байна.

529 гэдэг бол зөвхөн гуравдугаар сарын шинжилгээгээр илэрсэн тоо юм.

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн