Эдийн засаг

Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов

Ховд аймгийн Буянт суманд “Ховд эко цемент“-ийн үйлдвэрийн барилгын ажил өчигдөр эхэллээ.

Засгийн газрын 21:100 хөтөлбөрт багтсан энэхүү үйлдвэр нь жилд 300 мянган тн цемент үйлдвэрлэж, баруун бүсийн цементийн хэрэглээг 100 хувь хангахаар төлөвлөж байна.

Өнөөдрийн байдлаар баруун таван аймгийн нэг жилийн цементийн хэрэглээ 220,000 тн байгаа бөгөөд Улаанбаатарт худалдаалж буй цементийн үнээс хоёр дахин өндөр буюу нэг тн цементийн үнэ 300 орчим мянган төгрөг байгаа юм.

“Ховд эко цемент”-ийн үйлдвэр ирэх онд ашиглалтад орж, нэг тн цементийн өртгийг 150 мянган орчим төгрөг буюу Улаанбаатар хотын үнэ ханштай дүйцүүлнэ. Үүний үр дүнд баруун аймгуудад орон сууцны нэг ам.метр талбайн үнэ 30-40 хувь хямдарч, 800 орчим мянган төгрөг болж, үнэ нь тогтворжино гэсэн тооцоог барилгачид гаргажээ.

“Ховд эко цемент”-ийн үйлдвэрийн барилгын ажилд орон нутгаас 100 гаруй хүн ажиллана. 2020 онд үйлдвэр ашиглалтад ашиглалтад орсноор 250 хүн тогтмол ажлын байртай болно. Зөвхөн тээвэрлэлтээс гэхэд баруун аймгууд жилдээ 43 тэрбум төгрөг хэмнэх тооцоо, судалгаа байна гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

f98665_MPA_PHOTO_2019-3-9192_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов 08f7d2_MPA_PHOTO_2019-3-8967_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов 18eb24_MPA_PHOTO_2019-3-8729_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов 509e79_MPA_PHOTO_2019-3-8963_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов 639fcd_MPA_PHOTO_2019-3-9254_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов aab6ba_MPA_PHOTO_2019-3-8804_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов c8c6cd_MPA_PHOTO_2019-3-8866_x974 Жилдээ 43 тэрбум төгрөг хэмнэх “Ховд эко цемент“-ийн үйлдвэрийн нээлт болов

Гэрэл зургийг ikon.mn сайтаас авав

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close