Улсын гуравдугаар төв эмнэлэг дээр энэ сарын 6-16-ны өдрүүдэд ОУ-ын Ротари байгууллагын 3080 дугаар дүүргийн Чиндигар болон 3450 дугаар дүүргийн Туул Ротари клубүүд хамтарсан Олон улсын Ротари сангийн санхүүжилттэй “Глобал Грант # 1982181” төслийг хэрэгжүүлэхээр БНЭУ-аас эмнэлгийн тусламжийн мэргэжлийн баг хүрэлцэн ирж, ажиллаж эхэллээ.
Олон улсын Ротари сангийн санхүүжилттэй энэхүү Глобал Грант төслийн хүрээнд Энэтхэг улсын өндөр зэрэглэлийн мэргэшсэн эмч нар тус эмнэлгийн мэдрэлийн мэс засал, ерөнхий мэс засал, нүдний мэс засал, мэдээгүйжүүлгийн тусламж үйлчилгээний чиглэлүүдийн мэргэжлийн багтай хамтран ажлын байрны мэс засал дадлага сургалт, үзлэг оношилгоо, мэс заслын тусламж үйлчилгээний орчин үеийн чиг хандлагын талаар танхимын сургалтуудыг хамтран зохион байгуулна.
Энэхүү төслийн хүрээнд Монголын мэс заслын тусламж үйлчилгээний чадавхийг сайжруулахад дэмжлэг үзүүлж буй дээрх үйл ажиллагаа нь тус эмнэлэг дээр 2 дахь удаагаа зохион байгуулагдаж байгаа юм.
