М.Энхболд: Намынхаа дотоод хэрүүлд миний нэрийг оролцуулахгүй байхыг хүсье

Ерөнхий сайд асан Н.Алтанхуяг хэдхэн хоногийн өмнө сэтгүүлчдэд мэдээлэл хийхдээ 2017 оны нэгдүгээр сард болох Ардчилсан намын даргын сунгаанд тухайн үед МАН-ын дарга байсан М.Энхболд, Ерөнхийлөгч байсан Ц.Элбэгдорж нар шударга бусын хонгилоо ашиглаж оролцсон гэж ярьсан. Тэгвэл үүнтэй холбоотойгоор УИХ-ын дарга асан М.Энхболд Н.Алтанхуягт ханджээ. Тэрээр:

– Монгол Улсын Ерөнхий сайд асан Н.Алтанхуяг танаа:

Би Монголын улс төрийн хүчнүүдэд хүндэтгэлтэй хандаж ирсэн. Аль нэг намын дотоод хэрэгт оролцож байсан удаа байхгүй.

Танай намын дарга бүх гишүүдийнхээ олонхийн саналыг авч, албан ёсны мэдээ гарсны дараа УИХ-ын гишүүн С.Эрдэнэд баяр хүргэсэн нь үнэн. УИХ-д суудалтай намын даргаар нэг гишүүн нь сонгогдоод байхад баяр хүргэх нь УИХ-ын даргын хувьд хийх л ёстой ажил.

Хариуцлагагүй мэдэгдлээ залруулж, намынхаа дотоод хэрүүлд миний нэрийг оролцуулахгүй байхыг хүсье.

УИХ-ын гишүүн М.Энхболд