Уран хөдөлгөөнт гимнастикийн нийслэлийн аварга шалгаруулах тэмцээн эхэллээ

“Буянт Ухаа” спортын ордонд өнөөдөр нийслэлийн шилдэг 22 цэцэрлэгийн 660 багачуудын Уран хөдөлгөөнт гимнастикийн тэмцээний үзүүлэх тоглолт эхэллээ. Цэцэрлэгийн хүүхдүүдийн Уран хөдөлгөөнт гимнастикийн тэмцээнийг 1970 оноос хойш тасралтгүй 49 дэх жилдээ зохион байгуулж байгаа юм.

Энэ тэмцээн нь цэцэрлэгийн хүүхдүүдэд бие бялдрын болон гоо зүйн хүмүүжил олгодог чухал ач холбогдолтой бөгөөд жилээс жилд тэмцээнд оролцож буй цэцэрлэгийн тоо, хүүхдүүдийн дасгалын зохиомж, ур чадварын түвшин болон багш нарын ур чадвар, туршлага өсөн нэмэгдэж буй.

Нийслэлийн Цэцэрлэгийн хүүхдүүдийн Уран хөдөлгөөнт гимнастикийн тэмцээн нь хоёр үе шаттай зохион байгуулагддаг ба эхний шалгаруулалт энэ сарын 21 хүртэл явагдсан бөгөөд хоёр дахь шат буюу нийслэлийн аварга шалгаруулах тэмцээнд есөн дүүргийн 22 цэцэрлэгийн 660 хүүхэд, багачууд өнөөдөр ур чадвар, авьяасаа сорин өрсөлдөж байна гэж нийслэлийн Спортын хорооноос мэдээллээ.

One thought on “Уран хөдөлгөөнт гимнастикийн нийслэлийн аварга шалгаруулах тэмцээн эхэллээ

  1. Нэргүй 2019-04-26 14:16 at 14:16

    шударга өрсөлдөөн ховор юм билээ. байнга л түрүүлж байдаг цэцэрлэг нь урьдчилаад жил шахам бэлдээд орж байхад бусад нь нэг сар л бэлдэж байж ордог. үзүүлэх төрлүүдээ яаж гаргаж тавьдаг юм.

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн