Онцлох мэдээРедакцийн сонголтУлс төр

ТЕГ-т шалгагдаж буй Ц.Нямдорж сайд хэргээс мултрахын тулд Б.Хурцыг “барьцаалав” уу?

С.Зориг агсны амь насыг хөнөөсөн хэргийг тойрон өнөөдөр шинэ мэдээллүүд цацагдаж эхэллээ. Зариг сайт өглөө Тагнуулын Ерөнхий газар Хууль зүй, дотоод хэргийн сайд Ц.Нямдоржид гурван асуудлаар Эрүүгийн хэрэг үүсгэн шалгаж байна гэсэн мэдээллийг дамжуулав.

Түүнийг С.Зориг агсны хэргийн талаар мэдээлэл хийхдээ тодорхой хууль тогтоомжуудыг зөрчсөн. Мөн мөрдөн байцаалтын нууцыг задалсан, улсын нууцад хамаарах материалтай танилцсан гэх мэт үндэслэлээр шалгагдаж байгаа гэж эх сурвалж мэдээлжээ. Ц.Нямдорж ТЕГ-т нэг бус удаа очиж байцаалт өгсөн талаар ч дурджээ.

Өдрийн 12.30 цагт Сонин сайт Б.Хурцыг Ганцхудагт хорьсон гэж мэдээлэв. Харин Зиндаа сайт Тагнуулын ерөнхий газрын дарга асан Б.Хурцыг түр саатуулан, тайлбар авсан. Түүнийг цагдан хорих нөхцөл байдал үүсээгүй ч зайлшгүй тодруулах шаардлагатай зүйлс байгаа учраас мэдүүлэг авч байна.

Б.Хурцыг цагдан хорих санал харьяа дүүргийн шүүхэд ирээгүй. ШШГЕГ-т хүргээгүй хэмээн мэдээллээ.

С.Зориг агсныг хөнөөсөн хэргээр хоригдсон Т.Чимгээ, Б.Содномдаржаа нарыг эрүүдэн шүүсэн гэх хэргийг АТГ анх шалгасан бөгөөд энэ хэрэг өнгөрсөн долоо хоногт ЦЕГ-ын харьяа байгууллагад шилжсэн байна. Харин УИХ дахь эх сурвалжууд Хууль зүй, дотоод хэргийн сайд Ц.Нямдорж өөрт нь үүсгэсэн байгаа Эрүүгийн хэргээс болгоомжлохдоо зөрүүлээд Б.Хурцыг баривчилсан байх гэж таамаглаж байгаа талаараа мэдээлэв.

13.50 цаг орчимд ЦЕГ-аас мэдээлэл хийж ЦЕГ-ын хэвлэл мэдээллийн төвийн дарга, цагдаагийн хурандаа Б.Баатархүү:

Авлигатай тэмцэх газарт 2002 оны Эрүүгийн хуулийн 133 дугаар зүйл буюу гүйцэтгэх ажиллагааны хууль тогтоомжийг зөрчих гэдэг зүйл заалтаар эрүүгийн хэрэг үүсгэн шалгаж байсан хэргийг Улсын ерөнхий прокуророос харьяалал тогтоож, 2019 оны дөрөвдүгээр сарын 19-ний өдөр ЦЕГ-ын Мөрдөн байцаах албанд шилжүүлсэн.

Үүний дагуу мөрдөн шалгах ажиллагаа үргэлжилж байна. Уг хэрэгтэй холбогдуулан 2019 оны дөрөвдүгээр сарын 23-нд Тагнуулын ерөнхий газрын дарга асан, генерал Б.Хурцыг хойшлуулшгүйгээр саатуулсан. Үргэлжүүлэн саатуулах эсэх талаар прокурорын газарт санал хүргүүлээд байна гэв

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close