Ногоон хөгжил

Халуун үнс, нурмаас түймэр дэгдэж, 10 айлын байшин шатлаа

Хаврын хуурайшилттай, салхи шуургатай үед иргэдийн санамсар болгоомжгүй үйлдлээс шалтгаалан гарах гал түймрийн гаралт ихсэх хандлагатай байна.

Нийслэлийн Онцгой байдлын газарт он гарсаар зуслангийн чиглэлд болон гэр хорооллын иргэд хашааны өнжмөл шар өвсийг шатааж байгаад гал алдсан 30 удаагийн дуудлага иржээ.

Тухайлбал өчигдөр буюу энэ сарын 13-ны өдөр Богд уулын Богинын аманд шар өвс шатаасны улмаас түймэр гарсан бол өнөөдөр (2019.04.14) СБД-ийн 19-р хороо “Гоодойн ам”-д шар өвс шатаасны улмаас түймэр гарч, түймрийн улмаас 10 айлын байшин шатаад байна.

Түймэр гарлаа гэсэн дуудлага нийслэлийн Онцгой байдлын газарт 13:55 цагт иржээ. Дуудлагын дагуу Гал түймэр унтраах, аврах 34, 74, 10, 26, 18 дугаар анги болон нийслэлийн Аврах анги 105-ын нийт 102 алба хаагч, 12 техник хэрэгсэлтэйгээр ажиллан, түймрийг цурманд оруулан бүрэн унтраахаар ажиллаж байгааг ОБЕГ-аас мэдээлэв.

Түймэр гарсан шалтгааныг тодруулбал иргэдийн анхаарал болгоомжгүйгээс үүдэлтэй байгальд ил задгай халуун үнс, нурам хаяснаас шар өвсний түймэр дэгдсэн байна.

Энэ мэт иргэдийн санамсар болгоомжгүй байдлаас үүдэн хашаандаа өнжмөл шар өвс, ногоо шатаасны улмаас өөрийн болон бусдын эд хөрөнгөнд хохирол учруулах, цаашлаад ногоон бүс галд өртөх эрсдэлийг дагуулж байгаа юм.

Иймд хаврын хуурайшилтын үед иргэд асаасан гал, шүдэнз, татсан тамхины гал, цог, нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийж байх, түймрийн хуурайшилт ихтэй үед ой, хээрт ил задгай гал түлэхгүй байхыг Онцгой байдлын ерөнхий газраас анхааруулж байна. Мөн иргэд гэр сууц, хашаа хорооны гадуур түймрээс хамгаалах зурвас татах, гал унтраах багаж хэрэгслийг бэлтгэх зэрэг гал түймрээс урьдчилан сэргийлэх арга хэмжээ авахыг Онцгой байдлын ерөнхий газраас анхааруулж байна.

EAD66C9A-2832-4E36-BB99-78F78FEC5829-702x336 Халуун үнс, нурмаас түймэр дэгдэж, 10 айлын байшин шатлаа

DSCF8042-702x336 Халуун үнс, нурмаас түймэр дэгдэж, 10 айлын байшин шатлаа

81B56F2F-8488-414C-A90C-94C9AD43AC4D Халуун үнс, нурмаас түймэр дэгдэж, 10 айлын байшин шатлаа

62BCCDC7-308F-40A1-954F-04DCC99DCFF2 Халуун үнс, нурмаас түймэр дэгдэж, 10 айлын байшин шатлаа

6DB0F967-3A92-4BD2-B7BF-DD8094CB09D8 Халуун үнс, нурмаас түймэр дэгдэж, 10 айлын байшин шатлаа

0F13B5C0-C633-45DB-A26D-46DA1E0D563B Халуун үнс, нурмаас түймэр дэгдэж, 10 айлын байшин шатлаа

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close