Швейцарь улсын “Oxfam International” байгууллагын хийсэн судалгаагаар дэлхийн хамгийн баян 85 хүний мөнгө нийлээд 1.7 их наяд ам.доллар болж байгаа нь манай гарагийн ядуу зүдүү 3.5 тэрбум хүний хөрөнгөтэй тэнцэнэ гэж тооцоо гарчээ.
Жил бүр дэлхийн баячуудын чансааг тодорхойлдог “Форбес” сэтгүүлийн 2013 оны жагсаалтыг ашиглан тус байгууллагын ажилтнууд тооцоо хийсэн байна.
Дэлхийн баячуудын эхний 20-д бичигдсэн тэрбумтны мөнгө 2012 онд 23 тэрбум ам.доллар байсан бол 2013 онд 31 тэрбум болжээ.
Хамгийн баян хүнээр бичигдсэн Билл Гейтсийн мөнгө 76 тэрбум ам.доллар байгаа нь 156 сая ядуу хүний хөрөнгөтэй тэнцэж байгаа аж.
“Форбес”-ийн чансаагаар эхний 28-д бичигдсэн баячуудын 42 хувь нь америкчууд юм байна. Дашрамд дурьдахад “Oxfam International” байгууллага нь дэлхийн хүн амын ядуурал, тэнцвэртэй бус байдлыг арилгахын төлөө тэмцдэг гэнэ.
