Дэлхийд

“Apple”-аас 900 мянган ам.доллар залилсан оюутнуудыг баривчилжээ

АНУ-д сурдаг БНХАУ-ын иргэн Яньян Жоу, Чаун Жянь нар “Apple” компанийг залилан 900 мянга орчим ам.долларын хохирол учруулсан хэргээр баривчлагджээ.

Орегоны их сургуульд суралцдаг залуус Хонконгоос их хэмжээний хуурамч “Iphone” гар утас авчраад, нэг нэгээр нь “Apple” компани руу илгээж, шинэ авсан утас нь асахгүй байна хэмээн гомдол гаргаж, шинэ утсаар солиулж авдаг байжээ. Ингээд сольж авсан шинэ утсуудаа Хятад руу үндсэн үнээр нь зарж мөнгө олдог байсан аж.

Тэд 2017 оны дөрөвдүгээр сараас эхлэн нийт 3069 гар утас солиулах гомдол гаргаснаас 1493-ийг нь “Apple” компани сольж өгчээ. Тэдний гэм буруутай нь тогтоогдвол Чаун Жянийг 30 жил хүртэл хорих ял, хоёр сая ам.долларын торгууль хүлээж байгаа бол хамсаатан Жоуг таван жил хүртэл хорих ял, 10 мянган ам.долларын хорих ял хүлээж байгаа аж.

Эх сурвалж: QZ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close