Нийгэм

Багшдаа хамгийн сайхан сэтгэгдэл бичсэн хүн нэг сая төгрөгөөр шагнуулна

 Монгол улсын Ерөнхий Сайд У.Хүрэлсүхийн ивээл дор Монголын багш нарын VII их хурал 4 дүгээр сарын 11, 12-нд Төрийн ордонд болно.

Хурлаар Хууль эрх зүйн шинэчлэл, Сургалтын бодлого, Багшийн хөгжил, ёс зүй, Багшийн үнэлэмж гэсэн асуудлаар 47 мянга гаруй багшийг төлөөлж 800 багш чуулах аж. Хуралд санал, сэтгэгдлээ хүргүүлэх багш нар Багшийн хөгжлийн ордны 402 тоотод биечлэн хүргэх Орон нутгаас сонгогдсон төлөөлөгчөөр дамжуулан өөрийн саналаа илгээх Багшийн мэргэжил дээшлүүлэх институтын www.itpd.mn хуудсаар онлайнаар илгээх боломжтой юм.

Энэ удаагийн их хурлаар 2005 оноос 11 жилийн тогтолцоонд, 2008 оноос 12 жилийн тогтолцоонд шилжсэн ерөнхий боловсролын тогтолцооны өөрчлөлт, шинэчлэлийн ололт, амжилт, сургамжийг нэгтгэн дүгнэх, Боловсролын салбарын хууль, эрх зүйн орчинд хийгдсэн шинэчлэлийн хэрэгжилт, багшийн өмнө тулгамдаж асуудлыг шийдвэрлэх арга замыг хэлэлцэх юм.

Мөн ерөнхий боловсролын сургалтын хөтөлбөр сүүлийн 16 жилд 3 удаа өөрчлөгдсөний үр дагавар, сургамж, сургалтын хөтөлбөр, сурах бичгийн тогтвортой байдлыг хангах асуудлыг хууль, эрх зүйн орчны хувьд баталгаажуулалт хийх асуудлыг хөндөх болно.

Шинэ цаг үе, нийгмийн шаардлагад нийцсэн монгол хүүхдийн дүр төрх /2030 оны иргэн/, тэднийг бэлтгэх, төлөвшүүлэхэд багшийн үүрэг, оролцоо, боловсролын зорилгыг тодорхойлох, багш бэлтгэх тогтолцооны гажуудал, багш бэлтгэх бодлогын үр ашигтай хувилбарыг хэлэлцэх нь хурлын бас нэг онцлог. Цаашлаад багшийн цалин хөлс, нийгмийн баталгааг хангах асуудлаар хөдөлмөр, нийгмийн зөвшлийн гурван талт хэлэлцээрээр хүлээсэн үүргийн биелэлт, багшийн нийгмийн баталгааг нэмэгдүүлэх боломжийг мөн хэлэлцэнэ.

56505445_2249503335315915_5595887957673246720_n Багшдаа хамгийн сайхан сэтгэгдэл бичсэн хүн нэг сая төгрөгөөр шагнуулна

ХОЛБООТОЙ МЭДЭЭ

3 Сэтгэгдэлтэй

  1. БАГШ ХҮН ЁС ЗҮЙТЭЙ БАЙХ ХЭРЭГТЭЙ СУРАГЧДАД ЖИЛ БҮР СУРАХ БИЧИГЭЭС ГАДУУР НОМ, СОНИН ШАХДАГ БИЗНЕС ГАЗАР АВЛАА МХЕГ МЭДСЭН Ч МЭДЭЭГҮЙ ДҮР ЭСГЭНЭ ТЭГЭХЛЭЭР ШУНАЛТАЙ БАГШ НАР БИЗНЕС ЦЭЦЭГЛҮҮЛЖ БАЙНА

  2. ХАРИН ТИЙМЭЭ БАС ХЭРЭГТЭЙ ХЭРЭГГҮЙ ОЛИМПИАД БАЙНА ХҮҮХДИЙГ СУРГУУЛЬД ОРОХООС НЬ СОНГОНЫ АНГИ ГЭЖ ЯЛГАНА ЯЛГАСАН ХҮҮХДЭЭ ДЭЭД ЗИНДААНД ОЛИМПИАДАД БЭЛТГЭНЭ ЭНГИЙН ИРГЭДИЙН ХҮҮХДИЙГ ЯЛГАВАРЛАН ГАДУУРХДАГ ЁСТОЙ МУУХАЙ ОЛИМПИАД ШАЛ ХУДЛАА ЯВАГДАНА МАШ БУРУУ ТОГТОЛЦООО

Сэтгэгдэл

Таны сэтгэгдэл

Back to top button
Close