Яргуй идсэн бор гөрөөсний цус уух нэрээр хууль бус ан хийхгүй, эрүүл мэндээ эрсдэлд оруулахгүй байхыг Дэлхийн байгаль хамгаалах сангийн Монгол дахь хөтөлбөрийн газрынхан анхаарууллаа.
Гөрөөсний цус уух нь эрүүл мэндэд эсрэгээрээ аюул дагуулж цусны аюулт халдварт өвчин тусдаг байна. Энэ амьтны цусанд өвчин үүсгэдэг babesia venatorum гэх нэг эст шимэгч амьдардаг бөгөөд хачгаар дамждаг болохыг нь манай эрдэмтэд япончуудтай хамтран тогтоожээ.
Хэрэв нэг эст уг шимэгчээр халдварласан тохиолдолд цус багадах эмгэг, дэлүү, чөмгөнд бүрэлдэх улаан эсийн тоо буурах аюултай гэнэ. Үүнээс гадна гөрөөсний экологи эдийн засгийн үнэлгээ 230.000-400.000 төгрөг байдаг. Хууль бусаар агнавал хоёр дахин нэмэгдүүлэн төлөх аж.
Б.Яруу
