Замын-Үүд боомт дахь Хилийн мэргэжлийн хяналтын алба хууль бусаар 11 мянган ширхэг дуслын систем, нэг удаагийн тариур нэвтрүүлэхийг завдсан үйлдлийг таслан зогсоожээ.
Зорчигч тээвэрлэх суудлын автомашинд нууж хууль бусаар улсын хилээр нэвтрүүлэхийг завдсан нэг удаагийн тариур, дуслын систем нь хаяг шошгын зөрчилтэй байсан гэнэ. Хэргийг шалгуулахаар хуулийн байгууллагад шилжүүлсэн байна. Эм, эмнэлгийн хэрэгсэл, биологийн идэвхт бүтээгдэхүүнийг тусгай зөвшөөрөл бүхий аж ахуйн нэгж импортлох эрхтэй бөгөөд хувь хүн, тусгай зөвшөөрөлгүй аж ахуйн нэгж импортлохыг хуулиар хориглодог юм.
