Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
ЖДҮ-чин гишүүдийг хэвтүүлэх жагсаал Сүхбаатарын талбай дээр үргэлжилж байна – updown.mn

ЖДҮ-чин гишүүдийг хэвтүүлэх жагсаал Сүхбаатарын талбай дээр үргэлжилж байна

Жижиг дунд үйлдвэрийг хөгжүүлэх сангаас зээл авсан УИХ, Засгийн газрын гишүүдэд хариуцлага тооцохыг шаардан өнөөдөр (2019.03.02) Хэвтүүл хөдөлгөөнөөс Сүхбаатарын талбайд жагсаал зохион байгуулж байна. Жагсаал 10.00-16.00 цагийн хооронд үргэлжилж байгаа юм. Жагсаалд оролцож буй иргэд иргэд индэр дээрээс үгээ хэлж, ЖДҮ-чдэд хариуцлага тооцохыг шаардаж, уриа лоозон барьжээ. Тухайлбал тэдний барьсан лоозонд ШХАБ-д урвагчдыг хэвтүүл, ЖДҮ хулгайчдыг хэвтүүл, Төрийн хулгайчдыг хэвтүүлье, 3% 32% гэх мэт үгс харагдана. Мөн Хэвтүүл хөдөлгөөнөөс гаргасан хэвлэлийг тарааж байна.

Жагсаалын үеэр жагсагчид “Энэ бол санхүүгийн луйвар. Найман жил хүртэл хорих ялтай албан тушаалын гэмт хэрэг. Хамгийн аюултай нь эртнээс хууль дүрмийг нь өөрчилж зохин байгуулалттайгаар олноороо сүрэглэн оролцож түүн дотор нь намын дарга, ерөнхий нарийн бичгийн дарга, ерөнхий аудитор Монгол Улсын прокурор зэрэг оролцсон. Ингээд зогсохгүй ЖДҮ хулгай болон, 60 тэрбумын сүлжээгээр барьцаалагдсан УИХ, Засгийн газрын гишүүдээрээ дамжуулан ШХАБ-д элсэх урвагч санаагаа гүйцэлдүүлэхээр улайрч байна. Энэ байдлыг энэ хэвээр нь дуусгаж болохгүй. Зээл авсан 20 гаруй гишүүн саналаараа огцрох ёстой” гэв.

Жагсаалыг зохион байгуулж буй хөдөлгөөний тэргүүн Э.Тамир зохион байгуулалттайгаар хүмүүсийг авчраагүй гэдгийг онцолж, хэчнээн хүн тэдэнтэй нэгдэхийг хэлж мэдэхгүй гэлээ. Мөн тэрээр “АТГ-аас ЖДҮХС-гаас зээл авсан гишүүдийг шалгаж бүрэн эрхийг нь түдгэлзүүлэх санал оруулж ирсэн ч гишүүд бөөнөөрөө хамгаалаад үлдсэн. Төр гэдэг ард түмнээс үүсэлтэй. Ард түмэн тэднийг хуулийн өмнө хариуцлага хүлээгээсэй гэж хүсч байхад өөрсдийгөө хамгаалаад үлдэнэ гэдэг монголчууд буруу зүг рүүгээ яваад байгааг л харуулж байна” хэмээн ярьж байв.

3 thoughts on “ЖДҮ-чин гишүүдийг хэвтүүлэх жагсаал Сүхбаатарын талбай дээр үргэлжилж байна

  1. 1213 2019-03-02 14:44 at 14:44

    Зээл авсан 20 гаруй гишүүн саналаараа огцрох ёстой” гэв.

    Хариулах
  2. Нэргүй 2019-03-03 07:14 at 07:14

    тэртээ тэргүй шалгагдаад эргэн төлөөд явж байгаа шүү дээ .

    Хариулах
  3. Зочин 2019-03-03 13:17 at 13:17

    Тэднийг мэдээгүй бол эргэн төлөлт байхгүйшдээ . Ичдэггүй муу хулгайч нар . Маш баян биздээ . Тэгэхэд бид 2 өрөө байрны зээлийн хүүнд арваад жил зовж байна . Хэрэггүй юм бол үхсэнээ хийж авсан юм . Шуналын туламнууд . Зээлтэй бүх монголчууд ирэх хагас сайн өдрийн жагсаалд очих хэрэгтэй . ! Ядаж зээлийн хүүгээ бууруулая! Өөрсдийнхөө төлөө тэмцээч ! Дандаа хүний төлөө тэмцэх юм .

    Хариулах

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн