Нийгэм

Дүрэм зөрчиж тусгай дуут дохиог ашигласан тохиолдол бүртгэгджээ

Хууль зүй, дотоод хэргийн сайдын А/292 тушаалаар батлагдсан “Тээврийн хэрэгсэлд тусгай дуут болон гэрлэн дохио тавьж хэрэглэх журам”-д зааснаар зөвхөн шуурхай ажлын тусгай тоноглогдсон тээврийн хэрэгсэлд Монгол Улсын MNS 4979:2016 стандартын шаардлага хангасан тусгай дуут болон гэрлэн дохиог тавьж хэрэглэхээр заасан.

Иргэд болон зарим нэгэн албан тушаалтнууд тусгай дуут болон гэрэл дохиог зөвшөөрөлгүй ашиглах, хориглосон байдлаар суурилуулах зөрчил гаргажээ. Тусгай дуут болон гэрлэн дохио тавьж хэрэглэх эрх бүхий байгууллагын тээврийн хэрэгслүүдэд гэрлэн дохиог MNS 4979:2016 стандартад зааснаар бүхээгний дээр голлуулан эргэн тойрон 360 градуст харагдахаар байрлуулна гэснийг зөрчиж тээврийн хэрэгслийн урд нүүр, буферт, копутны дотор далд нууж байрлуулж байгаа нь Замын хөдөлгөөний дүрмийн 4.8 хэсэг болон Зөрчлийн тухай хуулийн 14.7.16 дахь заалтыг зөрчиж байгаа үйлдэл аж.

Иймд Тээврийн цагдаагийн албанаас энэ чиглэлийн хяналт шалгалтыг зохион байгуулж эхлээд байгаа бөгөөд дээрх хориглосон тусгай дуут болон гэрлэн дохио тавьж хэрэглэсэн тээврийн хэрэгслийн талаарх мэдээллийг албаны цахим хуудсуудаар дамжуулан иргэдээс авч эхэллээ.

06770 Дүрэм зөрчиж тусгай дуут дохиог ашигласан тохиолдол бүртгэгджээ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close