Дэд консул Г.Төмөрбаатарыг “Хүний эрхийн төлөө” хүндэт тэмдгээр шагнажээ

Монгол Улсаас БНХАУ-ын Эрээн хотод суугаа Консулын газрын иргэд, гэмт хэрэг, зөрчлийн асуудал хариуцсан дэд консул Г.Төмөрбаатарын хилийн чанад дахь монгол иргэдийн эрхийг хамгаалах, тэдэнд хууль зүйн болоод консулын туслалцаа үзүүлэх, учирсан хохирлыг барагдуулах, болзошгүй гэмт хэрэг, зөрчлөөс урьдчилан сэргийлэх ажлыг зохион байгуулах зэргээр хүний эрхийг хамгаалах үйлсэд бодит хувь нэмэр оруулж буйг өндрөөр үнэлжээ.

Дэд консул Г.Төмөрбаатарт Монгол Улсын Хүний эрхийн үндэсний комиссын даргын тушаалаар “Хүний эрхийн төлөө” хүндэт тэмдэгээр шагнасаныг Хүний эрхийн үндэсний комиссын дарга Ж.Бямбадорж Гадаад харилцааны яаманд өнөөдөр гардуулж өгөв. Шагнал гардуулах үйл ажиллагаанд ГХЯ-ны Консулын газрын захирал Л.Мөнхтүшиг, Хүний эрхийн хэлтсийн дарга В.Оюу нар оролцсон юм. Хилийн чанад дахь монгол иргэдийн эрх ашгийн төлөө Гадаад харилцааны яам, Дипломат төлөөлөгчийн газрууд сэтгэл зүтгэл гарган үр дүнтэй ажиллаж байгааг Хүний эрхийн үндэсний комиссын дарга Ж.Бямбадорж онцолсон болно.

Эх сурвалж: Гадаад Харилцааны Яам

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн