Улс төр

Сүү, сүүн болон органик хүнсний экспортыг нэмэгдүүлэхэд анхаарна

Монгол Улсын Засгийн газраас баримталж буй эдийн засгийг төрөлжүүлэх, уул уурхайн бус бараа бүтээгдэхүүний экспортыг нэмэгдүүлэх, гадаад зах зээлээ тэлэх боломж нөхцлийн талаар Гадаад харилцааны сайд Д.Цогтбаатар, Хүнс, хөдөө аж ахиу, хөнгөн үйлдвэрийн сайд Ч.Улаан нар хоёр яамны удирдлагуудыг оролцуулан уулзалт хийж, санал солилцов.

mfa75951-1024x413-810x413 Сүү, сүүн болон органик хүнсний экспортыг нэмэгдүүлэхэд анхаарна

Уулзалтаар махны экспортын хэмжээг өнгөрсөн оны түвшингээс бууруулахгүйгээр цаашид нэмэгдүүлэх, тэдгээрийн чанар, нэмүү өртөг шингээх асуудалд анхаарах, 2019 онд сүү, сүүн болон органик хүнсний экспортын шинэ бараа, бүтээгдэхүүнийг нэмэгдүүлэхэд онцгой анхаарч ажиллахаар тохиролцов.

Түүнчлэн мал эмнэлгийн тогтолцоог олон улсын  стандартад нийцүүлэх, мах, сүү, арьс шир, ноос ноолууран бүтээгдэхүүний техник, технологиийг сайжруулахад анхаарах шаардлага байгааг онцлов.

Уулзалтын үр дүнгээр хоёр яам уул уурхайн бус экспортыг нэмэгдүүлэхэд чиглэсэн хамтарсан төлөвлөгөө гаргаж хэрэгжүүлэхээр тохиров.

Эх сурвалж: ГАДААД ХАРИЛЦААНЫ ЯАМ

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close