Нүдний болор шилжүүлэн суулгах хагалгааг Канад улсаас ирсэн эмч нар үнэ төлбөргүй хийж байна. Эмчилгээг Улсын нэгдүгээр төв эмнэлэгт хийж байгаа аж. Эмч нарын багийг ахалж буй Хью М.Парсонс манай улсад дөрөв дэх удаагаа хүрэлцэн ирээд байгаа нь энэ юм.
Эрүүл мэндийн яам Канадын Лаурел сантай хамтран ажиллах санамж бичиг байгуулан ажиллаж буй бөгөөд өнгөрсөн мягмар гаригт Эрүүл мэндийн сайд А.Цогцэцэг Канад улсын Нүдний торлог-шилэнцрийн эмч, Нүд судлалын клиникийн дэд профессор Хью М.Парсонс-ыг хүлээн авч уулзсан байна.
