Нийгэм

УУХҮЯ “Жендэрийн эрх тэгш байдлыг хангах тухай хууль”, Үндэсний хөтөлбөрийг хэрэгжүүлэх ажилд манлайлав

Жендэрийн үндэсний хорооны ээлжит хуралдаан энэ сарын 25-ны өдөр Төрийн ордны “Нутгийн удирдлагын танхим”-д боллоо. Энэ үеэр Уул уурхай, хүнд үйлдвэрийн яамны Жендэрийн салбар зөвлөлийг “Жендэрийн эрх тэгш байдлыг хангах тухай” хууль, Үндэсний хөтөлбөрийг хэрэгжүүлэхэд бусад яамдаа манлайлан ажилласныг нь үнэлэн, өргөмжлөл мөнгөн шагналаар урамшууллаа. Шагналыг УУХҮ-ийн Төрийн нарийн бичгийн дарга бөгөөд салбар зөвлөлийн дарга Г.Нандинжаргал Жендэрийн Үндэсний хорооны орлогч дарга бөгөөд Хөдөлмөр, нийгмийн хамгааллын сайд С.Чинзоригоос гардаж авав.

Уул уурхай, хүнд үйлдвэрийн яамны Жендэрийн салбар зөвлөл нь “Жендэрийн эрх тэгш байдлыг хангах тухай хууль”, Үндэсний хөтөлбөрийн хэрэгжилтийг хангах хүрээнд салбарын жендэрийн бодлогын баримт бичгийг боловсруулж ажилласан. Энэ хүрээнд СЕСМИМ төсөл, судалгааны багтай хамтран Жендэрийн нөлөөллийн үнэлгээг таван аймаг, хоёр дүүрэг 26 байгууллагад хийж гүйцэтгэсэн байна. Мөн тайланд үндэслэн, бодлогын баримт бичгийн төслийг боловсруулж, хэлэлцүүлэг өрнүүлэн, батлуулахад бэлэн болгосон юм.

Уул уурхай, хүнд үйлдвэрийн яам

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close