Толгойтын замд өчигдөр /2019.01.20/ Тоёота приус маркийн улсын дугаар нь тодорхойгүй автомашины жолооч нь 14 настай А-г мөргөж гэмтээгээд хэргийн газрыг орхин явсан байна. Мөн Төв аймгийн нутаг Сондуул гэх газар асфальтан замд пробокс маркийн автомашин онхолдож, 24 настай М-н амь нас хохирч, 43 настай Б, 10 настай Т нарын хоёр хүн гэмтсэн хэргийг аймгийн цагдаагийн газарт шалгаж байна. Цагдаагийн байгууллагаас гудамж замд хийсэн хяналт шалгалтаар согтуугаар тээврийн хэрэгсэл жолоодсон 72 зөрчлийг илрүүлэн саатуулж ажилласан ба “Сар шинэ” арга хэмжээний хүрээнд долоон гэмт хэргийг илрүүлэн ажиллажээ.
Тээврийн цагдаагийн алба амралтын өдрүүдэд зам тээврийн ослын шинжтэй 326 дуудлагыг хүлээн авч шалгажээ. Ослын улмаас орон нутагт хоёр, нийслэлд 14 хүн бэртэл гэмтэл авсан аж. Нийт гэмтсэн хүний гурав нь бага насны хүүхэд байсан бөгөөд хоёр нь явган зорчигч хэлбэрээр хөдөлгөөнд оролцож байх үедээ осолд оржээ.
