Танин мэдэхүй

Монгол кинонд шинэ дүр үгүйлэгдэж байна!

Том гарчигтай, багахан хэмжээтэй ч доромжлол, шүүмжлэл хоёрыг ялгах ухаантай нэгэнд бол чамгүй санаа авахаар “шүүмж” шүү!
Манай киночдын ур чадвар “дээшлээд” л байгаа, улс маань жаахан өөдлөөд ирвэл кино урлаг маань ч дагаад сэпхийгээд босоод ирэх биз ээ.
Нэг л юм хэлье гэж бодсоор явсанаа та бүхэнтэй хуваалцъя!
Манайхан түүхэн сэдвээр урансайхны кино хийдэг болжээ. Бахархууштай бас дэмжүүштэй!
Гэхдээ энд нэг нийтлэг дутагдал байна. Юу гэвэл тэд түүхэн, эртний сэдвийн кинонд дүр сонгохдоо тун хайнга хандаж байна. Өнөөх л хэдэн, гөлчгөр нүүртэй, боди биетэй, хүрээний цагаан банди нарт хиймэл сахал наагаад л 13-р зууны баатар! Нөгөөх нь юм л бол цээжээ нүцгэлж, гэдэснийхээ зургаан булчинг байдгаараа чангалж, байнга бархирч хашхирч яриастай. Эсхүл цурхиран уйлаастай. Байгалийн хатуу ширүүн, халуун хүйтэнд өлчиржин, ажлын хүндэд нухлагдан борогшиж, ан ав хийж, адуу малтай ноцолдож, нар салхинд онгож гандсан, дайн тулаанд үхэх сэрэхийн ирмэг дээгүүр явж, дэлхийн дайдыг эзэлсэн анчин, малчин баатар эрсээ* арай ч тэгж Солонгосын савангийн дуурийн наамал сахалтай, ямаан омогтой, болборой вангуудын зохиомол дүрүүдтэй адил хөнгөн үзэж болмооргүй. Хамгийн марзан нь “гошин шог”-оороо нэрд гарч, олны танил болчихсон, хошин шогоос өөр дүрд тогловол үзэгчид огт хүлээж авахааргүй болчихсон Ононг “Аравт”-д, Лхагвасүрэнг “Говийн домог”-т, Одончимэгийг Бөртэд (бас өнөөх “Байтаг Богд”-д цэргийн дарга болдог хэн билээ дээ, золиг чинь, нэр нь орж ирдэггүй! Харахаар л инээд хүрээд байдаг. Түгшүүрт цагийн, байлдаантай кино үзэж байж, түмний дунд түсхийтэл инээчихгээд хэцүү гэдэг нь!) гэхчлэн, түүхэн кинонд наалдахгүй нөхдийг тоглуулаад байх юм. Ингэхээр чинь яаж тэр, аугаа баатарлаг түүхээрээ хийж байгаа кино чинь үзэгчдийг итгүүлэн үнэмшүүлэх, “байлдан дагуулах” чадалтай, чансаатай болж чадах юм бэ?! Дүрийн эрэл хайгуул ер хийхгүй, Улаанбаатараасаа гарч сэтгэхгүй байна! Өнөөх л хэдэн жүжигчдээ, кино продакшнууд хоорондоо дамжуулж, “мөлжсөөр байгаад” одоо бүр кино болгон дээр “байнгын жижүүрлээстэй” хэдэн жүжигчинтэй болчихлоо. Ямар ч киноны настанд Цэрэндагва гуай, хамганд нь Мэндбаяр гуай зоолттой, гэхчлэн…
Налайхын уурхайн ня-бог авчраад Цахиур Төмөрт, хаа байсан хөдөөнөөс, малын эмчийг авчраад Мянхайд, Анагаахын сургуулиас хайсаар байгаад нэг шар охиныг Удвалд, Булганаас Батдоржийг авчраад Далайцэрэнд гээд дүрийн чөлөөтэй сонголт хийж, олонд танигдаж улиг болоогүй хүмүүсийн авьяасыг нээж, бас тэдгээр дүрээрээ кино урлагт шинэ уур амьсгал оруулж байсан цаг саяхан даа саяхан. Дээхнэ үеийнхнээсээ суралцмаар юм.
За, энд хүрээд өндөрлөе, “одоо ч алуулсаан!”

“Ёо ёотой үзэгч”;
Л.Мөнхтөр

995e46fc05056fd8862a04f9fabe12b5 Монгол кинонд шинэ дүр үгүйлэгдэж байна!

ХОЛБООТОЙ МЭДЭЭ

25 Сэтгэгдэлтэй

  1. Зөв сэдэв хөнджээ. худалдааны рекламд мөн л нөгөө хэд эдгээр нөхдийг хараад үнэмшхүү үгүй ш дээ Эдгээрийн оронд огт хараагүй дүрийг гаргаж ирвэл үнэмшлэлтэй болох боловуу гэж болхи би бодном .Гэвч баячууд мэдтүгэй

  2. Үнэхээр зөв сэдэв хөндлөө. Зарим киног үзэхээр дэндүү гутармаар, бас харамсамаар, Сүүлийн үеийн кино хөрсөн дээрээ буухаас больсон, Энэ нь найруулагч нарын чавдаргүй, найруулагч нар нь зохиолоо ойлгодоггүй, зарим нь зохиолгүй кино хийж байна. Тоглож байгаа жүжүигчид нь бүр инээд хүрмээр, зүгээр ь сургуулийн хүүхдүүд тоглох хэмжээний юм харгдаад байна. Ингэхээр кино урлаг ёөнөж байна, Мөнгөний төлөө энэ урлагийг сүйруулж байна. Нэгих том найруулагч гэж өөрийгээ яриад, ичих юм даанч алга, Кино урлагийн бодлого гэдэг юм алдагдагджээ. Дандаа Гадны кино дуурайгаад л…… Үнэхээр харамсаж байна. Цогзолмаа сайдыг хурдан огцруулж, энэ замбараагүй алиа салбадайнуудыг цэгцлэх цаг болжээ.

  3. сүүлийн үеийн кинонууд орчуулгын юм шиг хэллэгтэй, хуурамч. Жүжиглэлт бол хэцүү шд үнэндээ. Хиймэл. Дээрээс нь дандаа зовлон гунигийн, эсгүй бол монголд огт байхгүй үйл явдалуудтай

  4. ШИНЭ ДҮРЭЭС ГАДНА ЧАДАЛТАЙ КИНО НАЙРУУЛАГЧГҮЙ БОЛСНООС ХЭН ДУРТАЙ НЬ НАЙРУУЛАГЧ ХИЙЖ КИНО УРЛАГЫГ АЛЖ БАЙНА ДАА.КИНОГОО ХЭДЭН ХӨЛСНИЙХНӨӨР МАГТУУЛЖ РЕКЛАМДСАН Ч ОЛИГТОЙ ҮР ДҮН БАЙХГҮЙ ТЭГС ГЭЭД ХОГ БОЛЖ БАЙГААГ ХЭН Ч ТООХГҮЙ.ТӨР АВЛИГАД ИДЭГДЭХЭЭР БҮХ ЮМ НОВШ БОЛДОГ ЮМ БАЙНА.ЯАХАВ ХЭДЭН ГАЙГҮЙ ХУУЦЧУУЛЫГ МӨНГӨӨР ЦОХИЖ ТОГЛУУЛЖ ГУТАМШИГ БОЛГОЖ БАЙГААГ МӨНГӨНИЙ ТӨЛӨӨ НЭР ТӨРӨӨ ХУДАЛДАХ НЬ ХАРАМСАЛТАЙ.

  5. Нэгл их орилсон чаралсан бархирсан бүлэглэж хүн зодсон яг солонгос кино Дүрийн сонголт бол бүр байхгүй,Сүүлийн үед эв хавьгүй заваараад л үнсэлддэг болж харахаас дур гутмаар ичмээр Монголчууд эмэгтэй хүнийг орилж чарлах гонгинож уйлахад үнэхээр дургүй Аглуу Одноо Бархүүгүй юмгүй боллоо дуучин Отгонжаргал Галданбошгитод тоглосон Мягмар энэ тэр бол үзүүштэй сайхан дүр болсон байналээ Сайд минь кино урлагтаа анхаараач ээ

  6. Ёстой ёстой, Ичиж үхмээр_ Тэр хошин шогийнхон ч одоо больмоор юм доо. Хоишн урлаг гээд байгаамаа бас ккккк

  7. Говийн домог киног үзээгүй байна. Гэвч телевизээр гарч байгаа зарим нэг үйл явдлыг нь харахад хэлмээр зүйл байна. Тэр гол дүрд тоглосон гадаадын жүжигчин давхиж байгаа морин дээр эмээл дээрээ суучихаад яваа харагдлаа. Монгол хүн унаж яваа морио болон өөрийгөө ядраахгүйн тулд морины цогио болон түүнээс дээш хурдалж давхихад нь дөрөөн дээрээ босч зогсож явдаг билээ. Мөн дайснаа сэлмээрээ дүрж, дүрсэн сэлмээ зоолттой нь орхисон байгаа харагдлаа. Монгол дайчдын махир сэлэм бол зөвхөн цавчих зориулалттай, тэгээд ч аль ч талын дайчдын хуягны бат бөх байдлыг цавчих хүчнээс өөрөөр нэвтлэх боломжгүй байх.Байлдаж байхад дайчин эр сэлэмгүй болохоор яах болж байна аа. Энэ мэтчилэн гадаад киноны үйл явдлыг хуулбарласан байдал харагдаад байна. Морио хонхор хотгор газар хэвтүүлж /сургасан/ нуугдаж отоо хийж болох боловч, элсэнд булж нуугдах нь түүхэнд байгаагүй, байх ч боломжгүй зүйл байхаа. Киноны үйл явдал амьдралд нийцсэн байж болохоор байх хэрэгтэй.

  8. Өөрсдөө ойлгохгүй л тууж яваа дөө. Үнэхээр үзээд нүд уйдмаар үйл явдлуудтай, чих залхмаар хашгирч бархирч орилж чарласан … Заза тоочоод байвал дуусахгүйм байна. Монголд кино урлаг хөгжөөд холивүдтэй эн зэрэгцэж очлоо гэдэг ерөөл өргөе өө.

  9. Маш зөв.Рекламнд нэг сүүмгэр нүдтэй бүсгүй байнга шүү.Одоо гарч буй нэр нь өөр болохоос өгүүлэмж нь бүгд адилхан кинонуудыг театрт хүн тоож үзэхээ болиод ТВ-д очиж байж л нэг хүмүүст хүрэх юмуу даа.Зарим хүчирхийлэлтэй муухай үзэгдэлтэйг нь айлууд сэжиглээд гэртээ үзэхээ ч больжээ. Жүжигчдийн сонголт,найруулга энэ тэрийг бол зүгээр л орхи цаашаа.Ахмад авъяаслаг найруулагч Жигжидсүрэн нарын эрхэм хүмүүс яасан их бухимддаг болдоо хөөрхий гэж.

  10. кино урлаг аль үжээ мөхсөн шүү дээ Хэцүү даалгавар 1990он тэрнээс хойш гайгүй кино олж харсангүй хуучны жүжигчид ямар чадвартай тоголдог байсан билээ дээ аргагүй дээ тэр үед СУИС гэж байсан биш өөрийнхөөрөө л тоглон зохиол хүртэл янзтай одооны хүүхдүүдийн хийсэн кино дээхэн үеийн жүжгийг ч барахгүй лдээ сургууль юу заан шавь тийм л кино бүтээн хошин шогийхон нэртэй малнууд кино алхаа болио

  11. лхагваа муу туучий алуурчин баатар юм уу үзэхээс дургүй хүрмээр болж өгөхгүй юм билээ зөв бичиж

  12. Зөв сэдэв хөнджээ. Монгол киноны дүр сонголт жүжиглэлт үнэхээр тааруу болсон болохоор сүр дуулиантай нээлтээ хийлээ гэсэн кинонуудаас үзэх сонирхол бага төрдөг. Байтаг богд-ийг үзсэн ёстой яахав дээ л болсон байсан бас Говийн домог-ийг сүртэй рекламдаад байхаар нь үзсэн. Монгол кинондоо гадаад хүн биш сайхан монгол дүр эрж хайж байгаад тоглуулчихгүй яав даа, бас Лхагвасүрэн естой онцгүй байсаан.

  13. Говийн домог киног өдөр болгон бараг мэдээ бүрд зурагтаар рекламдахаа болиочээ !!,зүгээр л нэг мэдээ үзмээр байх юм.өдөр болгон харсаар байгаад,залхаж байна.

  14. Одоогийн киноноос хэрүүлгүй кино гэж байдаг болов уу? Нэг ч байхгүй. Зарим нь бүр 99/ нь хэрүүл. Солонгос савангийн дуурийг дууриасан.

Сэтгэгдэл

Таны сэтгэгдэл

Back to top button
Close