Эдийн засаг

Сар шинийн үзэсгэлэн худалдаанууд гарч эхэллээ

Монгол түмний үндэсний баяр Цагаан сар ойртлоо.  Энэ жилийн сар шинийн баярт зориулсан үзэсгэлэн худалдаа “Мишээл экспо”-д нээгдээд байна. Энэ талаарх мэдээлэл болон ойрын өдрүүдэд нээгдэх Цагаан сарын үзэсгэлэн худалдааны мэдээллийг хүргэе.

“Энх мэндийн сар шинэ” үзэсгэлэн худалдаа

XVII жарны Шарагчин гахай жилийг угтсан “ЭНХ МЭНДИЙН САР ШИНЭ” үзэсгэлэн худалдаа нэгдүгээр сарын 2-6-ны өдрүүдэд “Мишээл экспо”-д үргэлжилж байна. Үзэсгэлэн худалдаанд:

-Үндэсний дээл
-Малгай, бүс
-Гутал, хром
-Үндэсний үйлдвэрлэгчдийн бараа бүтээгдэхүүн
-Цагаан идээ
-Тавгийн идээ
-Амтат чихэр, шоколад
-Мах, махан бүтээгдэхүүн
-Гарын бэлгийн худалдаа
-Импортын бараа бүтээгдэхүүнийг худалдаалж байна.

“Цагаан сар 2019” үзэсгэлэн худалдаа

Сар шинийн баярыг тохиолдуулан “Глобал Ивэнт” компани энэ сарын 12-ноос ирэх сарын 3-ны өдрүүдэд үзэсгэлэн худалдаа зохион байгуулах гэж байна. Сар шинийн баярын бэлтгэлийг Улаанбаатар хотод нэгэн цэгт төвлөрүүлэн анхдагч үнээр худалдаагаа хийхээр 500 гаруй үндэсний манлай үйлдвэрүүд, жижиг дунд худалдаа, үйлчилгээ эрхлэгчид, 21 аймгийн малчид “Хүннү Молл”-д “Цагаан сар 2019” нэгдсэн үзэсгэлэн худалдааг зохион байгуулахад бэлэн болжээ.

“Монголын цагаан сар 2019” үзэсгэлэн

Энэ сарын 11-нээс ирэх сарын 4-ний өдрүүдэд “АСА ЦИРК”-ийн үзэсгэлэнгийн танхимд “Монголын цагаан сар 2019” үзэсгэлэн худалдааг зохион байгуулна. Үндэсний манлай үйлдвэрүүд, жижиг дунд бизнес эрхлэгчид бараа бүтээгдэхүүнээ үйлдвэрийн үнээр худалдаална.

“Ерөөлтэй Цагаан Сар-2019”

Шарагчин гахай жилийг угтсан төвийн бүсийн хамгийн том сар шинийн үзэсгэлэн худалдаа “Улаанбаатар палас”-т болно. Уг үзэсгэлэн энэ сарын 15-наас ирэх сарын 4-нийг хүртэл үргэлжлэх юм. Үзэсгэлэн худалдаагаар хүнсний манлай үйлдвэрүүд, шилдэг импортлогч байгууллагууд:

-Үндэсний дээл хувцас,
-Тавгийн идээ,
-Ууц,
-Бэлгийн бараа,
-Хөөрөг, даалин гээд сар шинийн баярын хэрэгцээтэй бүхнийг нэг дор дэлгэх нь ээ.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close